കോട്ടയം: ഓരോവനിതാദിനങ്ങളും ഓര്മ്മപ്പെടുത്തലും വെല്ലുവിളികള് നിറഞ്ഞതാണെന്നും സംസ്ഥാന വനിതാകമ്മീഷന്അംഗം പ്രമീളാദേവി പറഞ്ഞു. വനിതാ ദിനത്തോടനുബന്ധിച്ച് ഇന്നലെ കോട്ടയം ബിസിഎം കോളേജില് സംഘടിപ്പിച്ച വനിതാ സെമിനാറില് മുഖ്യപ്രഭാഷണം നടത്തുകയായിരുന്നു അവര്. ആചരിക്കാനോ, ആചരിച്ച് മറക്കാനോ, പ്രസംഗിക്കാനോ, പ്രസംഗിച്ച് മറക്കാനോ ഉള്ളതല്ല ഇത്തരം ദിനങ്ങള്. സംസ്ക്കാരത്തിന്റെ സുവര്ണ ദിനങ്ങളിലേക്ക് കടന്നുവരുമ്പോള് നമ്മുടെ പൂര്വ്വികര് നേരിട്ട ദുരിതങ്ങളുടെ ഓര്മ്മപ്പെടുത്തലുകള് കൂടിയാണ് ഇത്തരം ദിനങ്ങളെന്നും പ്രമീളദേവി പറഞ്ഞു.
ദുരന്തങ്ങള് നേരിട്ട് നമുക്ക് മുന്നിലെത്തുന്ന വേദനയുടെ മുഖങ്ങളിലേക്ക് ഓരോരുത്തരും ഇറങ്ങിച്ചെല്ലണം. തീവ്രമായ ഇത്തരം പ്രയത്നങ്ങളിലൂടെ വലിയവലിയ മാറ്റങ്ങള് സൃഷ്ടിക്കാന് എല്ലാവര്ക്കും സാധിക്കും. ഈ വിശിഷ്ടമായ ദിനം സ്മരണീയമാക്കാന് അത്തരം പ്രവര്ത്തനങ്ങള് ചെയ്യുന്നതിന് നാം ഓരോരുത്തരും പ്രതിജ്ഞയെടുക്കണമെന്നും അവര് അഭിപ്രായപ്പെട്ടു. ഓരോ സ്ത്രീയുടേയും കുടുംബത്തിന്റെയും സംരക്ഷണത്തിന് വനിതാകമ്മീഷണന് ഉത്തരവാദിത്തപ്പെട്ടവരാണെന്നും അവര് സൂചിപ്പിച്ചു.
ജില്ലാ പഞ്ചായത്ത് പ്രസിഡന്റ് നിര്മ്മല ജിമ്മി ഉദ്ഘാടനം ചെയ്ത സെമിനാറില് കോളേജ് പ്രിന്സിപ്പല് ഡോ.കരുണ, ഗ്ലോബല് ലീഗ് ഓഫ് വുമണ് ചെയര്പേഴ്സണ് ഡോ.സൂസി മാത്യു, ജിഐഎഎല് ഡയറക്ടര് ഡോ.വര്ഗീസ്, മുന്സിപ്പല് വൈസ്ചെയര്പേഴസണ് രാജം ജി നായ ര്, കൗണ്സിലര് സിന്സി പാറയില് എന്നിവര് സംസാരിച്ചു.
വനിതാദിനം ആചരിച്ചു
കോട്ടയം: ഹോംനേഴ്സ സര്വ്വീസ് സൊസൈറ്റിയുടെ ആഭിമുഖ്യത്തില് ലോക വനിതാ ദിനം ആചരിച്ചു.
നാഗമ്പടം ഹോമിയോ സൂപ്പര് സ്പെഷ്യാലിറ്റി ആശുപത്രി ഓഡിറ്റോറിയത്തില് വനിതാ ശാക്തീകരണ പ്രശ്നങ്ങളും വെല്ലുവിളികളും എന്ന വിഷയത്തില് നടന്ന സിമ്പോസിയത്തില് ഹോമിയോ സൂപ്പര് സൂപ്പര് സ്പെഷ്യാലിറ്റി ആശുപത്രി ചെയര്മാന് അഡ്വ.സി.ജോസ് ഫിലിപ്പ് അദ്ധ്യക്ഷത വഹിച്ചു.
സെക്രട്ടറി ബാബു എസ്.പ്രസാദ് ഉദ്ഘാടനം ചെയ്തു. ഹോമിയോ ശാസ്ത്രവേദി ചെയര്മാന് ഡോ.ടി.എന്.പരമേശ്വരക്കുറുപ്പ്, ഡോ.എം.ആര്.ഗോപാലകൃഷ്ണന്നായര്, ആനി ജോസ്, റോസമ്മ സെബാസ്റ്റ്യന് എന്നിവര് പ്രസംഗിച്ചു.
