പൊന്കുന്നം: കാഞ്ഞിരപ്പള്ളി താലൂക്കിലെ ക്രഷര് ഉടമകള് ഉല്പ്പന്നങ്ങള്ക്ക് അന്യായമായ വില വര്വര്ദ്ധന വരുത്തിയതില് പ്രതിഷേധിച്ച് സര്ക്കാരിന്റെ മരാമത്ത് ജോലികള് നിര്ത്തിവയ്ക്കുമെന്ന് കോണ്ട്രാക്ടേഴ്സ് അസോസിയേഷന് ഭാരവാഹികള് പത്രസമ്മേളനത്തില് അറിയിച്ചു. ത്രിതല പഞ്ചായത്തുകളുടെ മരാമത്തു പണികളും നടക്കുന്നില്ല. ജില്ലാ കളക്ടര് അധ്യക്ഷനായ വില നിര്ണ്ണയ സമിതി നില നില്ക്കേ അംഗീകാരമില്ലാതെയാണ് ഇപ്പോഴത്തെ വില വര്ദ്ധനയെന്ന് കരാറുകാര് ആരോപിച്ചു. പുതിയ ബജറ്റില് നികുതി കൂട്ടിയെന്നു പറഞ്ഞാണ് വര്ദ്ധന. ക്രഷര് ഉടമകളുടെ പ്രതിഷേധത്തെ തുടര്ന്ന് സര്കാര് നികുതി വര്ദ്ധന മരവിപ്പിച്ചിട്ടും ആ പേരിലുള്ള വില വര്ദ്ധന ന്യായീകരിക്കാവുന്നതല്ല.
ക്രഷര് ഉടമകളുടെ നടപടിക്കെതിരെ അധികൃതര് നടപടിയെടുക്കുമെന്ന് കോണ്ട്രാക്ടേഴ്സ് അസോസിയേഷന് ആവശ്യപ്പെട്ടു.
പത്രസമ്മേളനത്തില് സംസ്ഥാന എക്സി. കമ്മറ്റിയംഗം കെ.ജെ തോമസ് കോയിപ്പുറം, താലൂക്ക് പ്രസിഡന്റ് രാജു നെല്ലാംതടം, വൈസ് പ്രസിഡന്റ് പി.എം ഹരിദാസ്, ട്രഷറര് ടോമി ജോസഫ്, ബിജു പനച്ചിക്കല്, തോമസ് ഏബ്രഹാം, ജോസുകുട്ടി, പി.എം ഗോപകുമാര്, മനോജ് തോമസ്, പി.ആര് രഞ്ജിത്ത് തുടങ്ങിയവര് പങ്കെടുത്തു.
