കോട്ടയം: സാങ്കേതിക വിദ്യാഭ്യാസ വകുപ്പിലെ ട്രേഡ് ഇന്സ്ട്രക്ടര് ആന്റ് ട്രേഡ്സ്മെന് ഓര്ഗനൈസേഷന്റെ 24-ാം സംസ്ഥാന സമ്മേളനം ഇന്ന് കോട്ടയം റെഡ്ക്രോസ് ടവറില് നടക്കും. രാവിലെ 11-ന് നടക്കുന്ന പൊതുസമ്മേളനം മന്ത്രി തിരുവഞ്ചൂര് രാധാകൃഷ്ണന് ഉദ്ഘാടനം ചെയ്യും. മുന്സിപ്പല് ചെയര്മാന് എം.പി.സന്തോഷ്കുമാര് അദ്ധ്യക്ഷത വഹിക്കുന്ന യോഗത്തില് ജോസ്.കെ.മാണി എംപി മുഖ്യപ്രഭാഷണം നടത്തും. വിവിധ സര്വ്വീസ് സംഘടനാ നേതാക്കന്മാരും സമ്മേളനത്തില് പങ്കെടുക്കുന്നതാണ്. തുടര്ന്ന് നടക്കുന്ന യാത്രയയപ്പ്, അവാര്ഡ് ദാന സമ്മേളനം കെ.എ.അജിത്ത് എംഎല്എ ഉദ്ഘാടനം ചെയ്യും. കോട്ടയം ജില്ലാ പഞ്ചായത്ത് പ്രസിഡന്റ് നിര്മ്മലാ ജിമ്മി അവാര്ഡ്ദാനവും നിര്വ്വഹിക്കും. കേരളത്തിലെ വിവിധ സ്ഥാപനങ്ങളില് നിന്നായി 500-ഓളം പ്രതിനിധികള് സമ്മേളനത്തില് പങ്കെടുക്കുമെന്ന് ഭാരവാഹികളായ കെ.എസ്.സന്തോഷ്കുമാര്, ബി.എം.അബു, എം.ആര്.ചന്ദ്രന്, എസ്.ഉദയകുമാര് എന്നിവര് വാര്ത്താസമ്മേളനത്തില് പറഞ്ഞു.
എ.കെ.ടി.ഒ 24-ാം സംസ്ഥാന സമ്മേളനം കോട്ടയത്ത്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.