നെച്ചിപ്പുഴൂര്: നെച്ചിപ്പുഴൂര് മാടപ്പാട്ട് ഫഌ്ലിറ്റ് സ്റ്റേഡിയത്തില് ആരംഭിച്ച നെച്ചിപ്പുഴൂര് വോളിയുടെ സെമിഫൈനല് മത്സരങ്ങള് ഇന്ന് പൂര്ത്തിയാകും. നാളെ നടക്കുന്ന ഫൈനല് മത്സരങ്ങള് ധനമന്ത്രി കെ.എം മാണി ഉദ്ഘാടനം ചെയ്യും. മത്സരങ്ങളിലെ വിജയികള്ക്ക് റോഷി അഗസ്റ്റിയന് എംഎല്എ സമ്മാനദാനം നിര്വ്വഹിക്കും. ഇന്ന് നടക്കുന്ന രണ്ടാം സെമിഫൈനലില് ജോസ് കെ. മാണി എം.പി മുഖ്യാതിഥിയായിരിക്കും. ടൂര്ണമെന്റില് പാലാ സെന്റ് തോമസ് കോളേജ്, കോലഞ്ചേരി ബ്രദേഴ്സ്, പ്രോഗ്രസീവ് ചാരമംഗലം, എവര്ഷൈന് പാദുവാ, അന്ത്യാളം സിക്സ്സസ്, ഫ്രണ്ട്സ് മൂവാറ്റുപുഴ, ഈരാറ്റുപേട്ട സിക്സ്സസ്, നെച്ചിപ്പുഴൂര് വോളിക്ലബ്ബ് എന്നീ ടീമുകളാണ് പങ്കെടുക്കുന്നത്.
വ്യാഴാഴ്ച നടന്ന ഒന്നാം സെമിഫൈനലില് പ്രോഗ്രസ്സീവ് ചാരമംഗലം ഫൈനലില് പ്രവേശിച്ചു. ടൂര്ണമെന്റിന്റെ ഭാഗമായി ഇന്നലെ വെറ്ററന്സ് മാര്ച്ച് സംഘടിപ്പിച്ചു. ജില്ലാ പഞ്ചായത്ത് പ്രസിഡന്റ് നിര്മ്മലാ ജിമ്മി, ജില്ലാ സഹകരണബാങ്ക് പ്രസിഡന്റ് കെ.ജെ ഫിലിപ്പ് കുഴികുളം, ജില്ലാ പഞ്ചായത്ത് മെമ്പര് സജി മഞ്ഞക്കടമ്പില്, കില ചെയര്മാന് ഫിലിപ്പ് ജോസഫ്, യൂത്ത്ഫ്രണ്ട്(എം) സംസ്ഥാനപ്രസിഡന്റ് മുഹമ്മദ് ഇക്ബാല്, പാലാ സിഐ വി.ജി സനല്കുമാര്, പാലാ എസ്ഐ സിബി മാത്യു, തുടങ്ങിയവര് വിവിധ ദിവസങ്ങളില് മുഖ്യാതിഥികളായിരുന്നു. ടൂര്ണമെന്റിന് കമ്മറ്റി പ്രസിഡന്റ് കുഞ്ഞുമോന് മാടപ്പാട്ട്, സെക്രട്ടറി സുനില് നെടുമങ്ങാട്, ട്രഷറര് ബിനു പുലിയുറുമ്പില് തുടങ്ങിയവരാണ് ടൂര്ണമെന്റിന്റെ അമരക്കാര്.
