ലണ്ടന് ഭീകര വിരുദ്ധ പരിശോധനയുടെ ഭാഗമായി ഇന്ത്യന് വംശജയായ വനിതാ ബാങ്കര് ബ്രിട്ടനില് അറസ്റ്റിലായി. ലണ്ടനിലെ ബാര്ക്ലേസ് ബാങ്കിലെ ജീവനക്കാരിയായ കുന്താള് പട്ടേലാണ് അറസ്റ്റിലായിരിക്കുന്നത്.
കുന്താള് പട്ടേലിന്റെ വസതിയില് ലണ്ടനിലെ ഭീകര വിരുദ്ധ കമാന്ഡ് നടത്തിയ പരിശോധനയെ തുടര്ന്നായിരുന്നു അറസ്റ്റ്. കിഴക്കന് ലണ്ടനിലെ മജിസ്ട്രേറ്റായ മീന പട്ടേലിന്റെ മകളാണ്. അതേസമയം തെറ്റിദ്ധാരണമൂലമാണ് അറസ്റ്റുണ്ടായതെന്നാണ് സുഹൃത്തുക്കളുടേയും കുടുംബാംഗങ്ങളുടേയും പ്രതികരണം.
36കാരിയായ കുന്താള് പട്ടേല് ഞായറാഴ്ച്ച മുതല് കസ്റ്റഡിയിലുണ്ടെന്ന് പോലീസ് സ്ഥിരീകരിച്ചിട്ടുണ്ട്. സംഭവത്തെ കുറിച്ച് കൂടുതല് അന്വേഷണം നടക്കുകയാണെന്നും കൂടുതല് പ്രതികരണത്തിനില്ലെന്നുമാണ് പോലീസ് അറിയിച്ചിരിക്കുന്നത്.
