ആലുവ: ആലുവായിലെ നിരവധി ഫ്ലാറ്റുകളില്‍ പെണ്‍വാണിഭ സംഘങ്ങള്‍ വാടകയ്‌ക്കെടുത്ത്‌ അനാശാസ്യ പ്രവര്‍ത്തനങ്ങള്‍ നടത്തിയതായി വെളിപ്പെട്ടു. കല്ലൂരിനടുത്ത്‌ അനാശാസ്യ കേന്ദ്രം നടത്തിക്കൊണ്ടിരിക്കെ പിടിയിലായ നടത്തിപ്പുകാരന്‍ കണ്ണൂര്‍ സ്വദേശി ജോഷിയെ ചോദ്യം ചെയ്തപ്പോഴാണ്‌ ഇത്‌ സംബന്ധിച്ച്‌ കൂടുതല്‍ വിവരങ്ങള്‍ വെളിപ്പെട്ടത്‌. ഇവിടെ വെച്ച്‌ പിടിയിലായ ബംഗളൂരു സ്വദേശിനി വിമാനമാര്‍ഗ്ഗമാണ്‌ അനാശാസ്യപ്രവര്‍ത്തനത്തിനായി ഇടയ്‌ക്കിടെ കേരളത്തിലെത്തിയിരുന്നത്‌. ബംഗളൂരു വില്‍നിന്നും കൂടുതല്‍ യുവതികള്‍ ഇത്തരത്തില്‍ കൊച്ചിയിലെ വിവിധ അനാശാസ്യ കേന്ദ്രങ്ങളിലേക്ക്‌ സ്ഥിരമായി എത്താറുണ്ടെന്നും ഈ യുവതി മൊഴി നല്‍കി. പിന്നീട്‌ പീഡനമായി മാറുമോയെന്ന്‌ ഭയമുള്ളതിനാല്‍ മലയാളികളായ യുവതികളുമായി അനാശാസ്യത്തിന്‌ പലരും ഭയപ്പെടുകയാണ്‌. ഇത്‌ മനസ്സിലാക്കിയാണ്‌ ബംഗളൂരു, മണിപ്പൂര്‍ തുടങ്ങിയിടങ്ങളില്‍ നിന്നും യുവതികളെ ധാരാളമായി എത്തിക്കുന്നത്‌. ജില്ലയിലെ ഹോട്ടലുകളില്‍ ജീവനക്കാരെന്ന ലേബലിലും ഇവരെ അനാശാസ്യപ്രവര്‍ത്തനത്തിനായി ഉപയോഗപ്പെടുത്തുന്നു. അങ്കമാലിക്കടുത്ത്‌ ഒരു ഹോട്ടലിനെതിരെയും ഇത്തരത്തില്‍ നിരവധി പരാതികള്‍ ഉയര്‍ന്നുവന്നിട്ടുണ്ട്‌. ആലുവ സര്‍ക്കാര്‍ ആശുപത്രിക്കടുത്തുള്ള ചില ലോഡ്ജുകളില്‍ വരെ ബംഗളൂരു പെണ്‍കുട്ടികളെ കൊണ്ടുപോയിട്ടുണ്ട്‌. ചില ഫ്ലാറ്റുകളിലും ഇത്തരത്തില്‍ താമസിച്ചിട്ടുണ്ടെന്ന്‌ യുവതി മൊഴി നല്‍കി. മണിക്കൂര്‍ അടിസ്ഥാനത്തില്‍ വാടക നല്‍കിയാണ്‌ ഫ്ലാറ്റുകളില്‍ ഇത്തരത്തില്‍ അനാശാസ്യ പ്രവര്‍ത്തനത്തിന്‌ അരങ്ങൊരുക്കുന്നത്‌.
ആലുവായിലെ നിരവധി ഫ്ലാറ്റുകളില്‍ പെണ്‍വാണിഭ സംഘങ്ങള്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.