കൊച്ചി: ഷെവര്ലെ എന്ജോയ് എം.പി.വി.യുടെ ലിമിറ്റഡ് എഡിഷന് കേരളത്തില് പുറത്തിറക്കുന്നതായി ജനറല് മോട്ടോഴ്സ് ഇന്ത്യ പ്രഖ്യാപിച്ചു. ഏഴു സീറ്റുള്ളതും എട്ടു സീറ്റുള്ളതുമായ ഷെവര്ലെ എന്ജോയോടൊപ്പം പരിമിതകാലത്തേക്ക് 14,000 രൂപയുടെ സൗജന്യ അക്സസ്സറികളുടെ പാക്കേജും പ്രഖ്യാപിച്ചിട്ടുണ്ട്. നിലവിലുള്ള 33,000 രൂപയുടെ ആനുകൂല്യങ്ങളും ഇതോടൊപ്പം ലഭിക്കും.
ഹെഡ് ലാമ്പുകള്ക്കുള്ള ക്രോം കിറ്റ്, ടെയില് ലാമ്പ്, ഡോര് ഹാന്ഡില് തുടങ്ങിയവയിലെല്ലാം പുതിയ സവിശേഷതകള് ലഭ്യമാണ്. ഇന്റീരിയറും കൂടുതല് ആകര്ഷകമാക്കും വിധം വുഡന് ഡാഷ് ബോര്ഡ് ട്രിമ്മുകളുണ്ട്. ലിമിറ്റഡ് എഡിഷന്റെ സവിശേഷത വിളിച്ചറിയിക്കും വിധം ഇന്റീരിയറുകളിലും എക്സ്റ്റീരിയറുകളിലും ലിമിറ്റഡ് എഡിഷന് ബാഡ്ജുകളും പതിപ്പിച്ചിട്ടുണ്ട്.
ഷെവര്ലെ എന്ജോയ് 2013 മെയ് മാസത്തിനു ശേഷം 15,500 ല് ഏറെ യൂണിറ്റുകളാണ് വില്പ്പന നടത്തിയതെന്ന് ജനറല് മോട്ടോഴ്സ് ഇന്ത്യയുടെ വൈസ് പ്രസിഡന്റ് രാജേഷ് സിങ് ചൂണ്ടിക്കാട്ടി.
സുഖസൗകര്യമുള്ളതും വിശ്വസനീയമായതും ആയ ഈ എം.പി.വി. പുതിയ ആകര്ഷണങ്ങളുടെ പശ്ചാത്തലത്തില് ഉപഭോക്താക്കള്ക്ക് പണത്തിനു കൂടുതല് മൂല്യം നല്കുമെന്നുറപ്പാണെന്നും അദ്ദേഹം പറഞ്ഞു.
ഡീസലില് 18.2 കിലോമീറ്റര് മെയിലജ് നല്കുന്ന ഷെവര്ലെ എന്ജോയ് ആറു നിറങ്ങളിലാണ് ലഭ്യമാക്കുന്നത്.
