കോട്ടയം: ബാലഗോകുലത്തിന്റെ ആഭിമുഖ്യത്തില് വടവാതൂരില് ബാലസംസ്കാരകേന്ദ്രം ആരംഭിച്ചു. ഇതിന്റെ ഭാഗമായി നിര്മ്മിച്ച സ്വാമി ത്രൈലോക്യാനന്ദജി സ്മാരക മന്ദിരം ബാലഗോകുലം മാര്ഗ്ഗദര്ശി എം.എ.കൃഷ്ണന് ഉദ്ഘാടനം ചെയ്തു. ത്രൈലോക്യാനന്ദജി സ്വാമിയുടെ ജന്മനാടായ വടവാതൂരില് അദ്ദേഹത്തിന്റെ ഇളയ സഹോദരി എം.എന്.തങ്കമ്മ സൗജന്യമായി നല്കിയ സ്ഥലത്താണ് സ്വാമിജിയുടെ പേരിലുള്ള സ്മാരക മന്ദിരം നിര്മ്മിച്ചിരിക്കുന്നത്.
ഉദ്ഘാടന സമ്മേളനത്തിനെത്തിയ വിശിഷ്ടാതിഥികളെ വടവാതൂര് ശ്രീകൃഷ്ണസ്വാമി ക്ഷേത്രത്തിനു സമീപത്തുനിന്നും വാദ്യമേളങ്ങളുടെയും താലപ്പൊലിയുടെയും അകമ്പടിയോടെ മന്ദിരത്തിലേക്ക് ആനയിച്ചു. ബാല സംസ്കാര കേന്ദ്രത്തിലെത്തിയ അതിഥികളെ തിലകം ചാര്ത്തി സ്വീകരിച്ചു. ബാലഗോകുലം മാര്ഗ്ഗദര്ശി എം.എ.കൃഷ്ണന് ശിലാഫലകം അനാച്ഛാദനം ചെയ്തു. തുടര്ന്ന് ഗൃഹപ്രവേശനത്തിനുശേഷം മന്ദിരത്തിനുള്ളില് അദ്ദേഹം ഭദ്രദീപം തെളിയിച്ചു. മന്ദിരഉദ്ഘാടന ചടങ്ങിനുശേഷം വടവാതൂര് എന്എസ്എസ് ഓഡിറ്റോറിയത്തില് നടന്ന സമ്മേളനത്തില് ബാലഗോകുലം സംസ്ഥാന രക്ഷാധികാരി പ്രൊഫ. സി.എന്. പുരുഷോത്തമന് അധ്യക്ഷത വഹിച്ചു. ബാലഗോകുലം മാര്ഗ്ഗദര്ശി എം.എ.കൃഷ്ണന് ശ്രീകൃഷ്ണവിഗ്രഹത്തില് പുഷ്പഹാരമണിയിച്ചു. ആര്എസ്എസ് അഖില ഭാരതീയ സഹ സര്കാര്യവാഹ് കെ.സി.കണ്ണന് മുഖ്യപ്രഭാഷണം നടത്തി. വാഴൂര് തീര്ത്ഥപാദാശ്രമം മഠാധിപതി സ്വാമി ഗരുഡധ്വജാനന്ദ തീര്ത്ഥപാദര് അനുഗ്രഹപ്രഭാഷണം നടത്തി. സ്വാമിജിയുടെ ജീവചരിത്രം ബാലസംസ്കാരകേന്ദ്രം സെക്രട്ടറി കെ.എസ്. ശശിധരന് അവതരിപ്പിച്ചു. സ്വാമിജിയുടെ ചിത്രം അനാച്ഛാദനം ബാലസംസ്കാരകേന്ദ്രം ട്രസ്റ്റ് ചെയര്മാന് ആമേട വാസുദേവന് നമ്പൂതിരി നിര്വ്വഹിച്ചു. ബിജെപി ജില്ലാ പ്രസിഡന്റ് ഏറ്റുമാനൂര് രാധാകൃഷ്ണന്, ബിഎംഎസ് ജില്ലാ സെക്രട്ടറി ഉണ്ണികൃഷ്ണന് ഉണ്ണിത്താന്, തപസ്യ ജില്ലാ സെക്രട്ടറി പി.ജി ഗോപാലകൃഷ്ണന്, ഹിന്ദുഐക്യവേദി സംസ്ഥാന സെക്രട്ടറി എം.വി ഉണ്ണികൃഷ്ണന്, ബാലഗോകുലം ജില്ലാപ്രസിഡന്റ് ഡോ. ഇ.പി. കൃഷ്ണന് നമ്പൂതിരി, ഗ്രാമപഞ്ചായത്തംഗം പത്മകുമാരി, ബാലഗോകുലം സംസ്ഥാനസമിതിയംഗം സി.സി. ശെല്വന്, ക്ഷേത്രസംരക്ഷണസമിതി സംസ്ഥാന വൈസ്പ്രസിഡന്റ് ഗോപാലകൃഷ്ണന് തുടങ്ങിയവര് ആശംസാപ്രസംഗം നടത്തി. മേഖല അധ്യക്ഷന് വി.എസ് മധുസൂദനന് സ്വാഗതവും, ജില്ലാ സെക്രട്ടറി പി.സി. ഗിരീഷ്കുമാര് നന്ദിയും പറഞ്ഞു.
