കൊച്ചി: ഗ്രീന് കണ്സ്യൂമര് ദിനാചരണത്തിെന്റ ഭാഗമായി സപ്ലൈകോ സംഘടിപ്പിക്കുന്ന ഗ്രീന് റോഡ്ഷോയ്ക്ക് കൊച്ചിയില് തുടക്കമായി. സപ്ലൈകോ കേന്ദ്ര കാര്യാലയത്തില് നടന്ന ചടങ്ങില് ചാള്സ് ഡയസ് എം.പി റോഡ് ഷോ ഫ്ലാഗ്ഓഫ് ചെയ്തു. സപ്ലൈകോ ജനറല് മാനേജര് ജേക്കബ് ജോസഫ് അധ്യക്ഷനായിരുന്നു. ചലച്ചിത്ര നടനും മിമിക്രി കലാകാരനുമായ സാജന് പള്ളുരുത്തി, സപ്ലൈകോ വിജിലന്സ് ഓഫീസര് എം.കെ.പുഷ്ക്കരന്, എറണാകുളം മേഖലാ മാനേജര് ഉണ്ണിക്യഷ്ണന്, മാനേജര് (ടി ആന്റ് ബിപി) ഷെല്ജി ജോര്ജ്ജ് എന്നിവര് പ്രസംഗിച്ചു.
പരിസ്ഥിതി സൗഹൃദ ഉപഭോഗ ശീലങ്ങള് പ്രചരിപ്പിക്കുന്നതിനാണ് റോഡ്ഷോ സംഘടിപ്പിക്കുന്നത്. റോഡ്ഷോ സെപ്റ്റംബര് 27 വരെ നീണ്ടു നില്ക്കും. എറണാകുളം ജില്ലയുടെ വിവിധ പ്രദേശങ്ങളില് റോഡ്ഷോ പര്യടനം നടത്തും. കലാപരിപാടികള്, വിവിധ മത്സരങ്ങള് എന്നിവ റോഡ്ഷോയുടെ ഭാഗമായി സംഘടിപ്പിച്ചിട്ടുണ്ട്. മത്സരവിജയികള്ക്ക് സമ്മാനങ്ങളും വിതരണം ചെയ്യും.
