കൊച്ചി: ദേശീയ തൊഴിലാളിദിന(വിശ്വകര്‍മ്മജയന്തി)ത്തോടനുബന്ധിച്ച്‌ ബിഎംഎസ്‌ നേതൃത്വത്തില്‍ ജില്ലയിലെ പതിനാല്‌ കേന്ദ്രങ്ങളില്‍ 17ന് വമ്പിച്ച തൊഴിലാളിറാലിയും പൊതുസമ്മേളനങ്ങളും നടക്കും. എറണാകുളം ബോള്‍ഗാട്ടിയില്‍ രാവിലെ 10 മണിക്ക്‌ നടക്കുന്ന തൊഴിലാളി റാലിയും സമ്മേളനവും ബിഎംഎസ്‌ സംസ്ഥാന സെക്രട്ടറി എന്‍.കെ.മോഹന്‍ദാസ്‌ ഉദ്ഘാടനം ചെയ്യും. ബിഎംഎസ്‌ ജില്ലാ പ്രസിഡന്റ്‌ ഇ.ഡി.ഉണ്ണികൃഷ്ണന്‍ പങ്കെടുക്കും.
കളമശ്ശേരി ഐആര്‍ഇ ഗേറ്റില്‍നിന്ന്‌ രാവിലെ 8 മണിക്ക്‌ ആരംഭിക്കുന്ന തൊഴിലാളി റാലെ ടിസിസി ഗേറ്റില്‍ സമാപിക്കുമ്പോള്‍ നടക്കുന്ന വന്‍ തൊഴിലാളി സമ്മേളനം ബിഎംഎസ്‌ സംസ്ഥാന ഓര്‍ഗനൈസിംഗ്‌ സെക്രട്ടറി പി.എന്‍.ഹരികൃഷ്ണകുമാര്‍ ഉദ്ഘാടനം ചെയ്യും. ജില്ലാ സെക്രട്ടറി ആര്‍.രഘുരാജ്‌ സംസാരിക്കും. പിറവം ആമ്പല്ലൂരില്‍ നിന്ന്‌ ആരംഭിക്കുന്ന പ്രകടനത്തിനുശേഷം മില്ലുങ്കല്‍ വ്യാപാരഭവന്‍ ഹാളില്‍ നടക്കുന്ന സമ്മേളനം നാഷണല്‍ ബാങ്ക്‌ വര്‍ക്കേഴ്സ്‌ ഓര്‍ഗനൈസേഷന്‍ സംസ്ഥാന ജനറല്‍ സെക്രട്ടറി കെ.വിനോദ്കുമാര്‍ ഉദ്ഘാടനം ചെയ്യും. കോതമംഗലം കുട്ടമ്പുഴയില്‍ 3 മണിക്ക്‌ നടക്കുന്ന പ്രകടനവും പൊതുസമ്മേളനവും ആര്‍.രഘുരാജ്‌ ഉദ്ഘാടനം ചെയ്യും. തൃപ്പൂണിത്തുറയില്‍ നടക്കുന്ന വിശ്വകര്‍മ്മജയന്തി തൊഴിലാളി റാലി മദ്യവ്യവസായതൊഴിലാളി ഫെഡറേഷന്‍ സംസ്ഥാന ജനറല്‍ സെക്രട്ടറി എം.എം.രമേശ്‌ ഉദ്ഘാടനം ചെയ്യും. ബിഎംഎസ്‌ ജില്ലാ വൈസ്‌ പ്രസിഡന്റ്‌ പി.ആര്‍.ഉണ്ണികൃഷ്ണന്‍ സംസാരിക്കും.
പട്ടിമറ്റത്ത്‌ നടക്കുന്ന തൊഴിലാളിറാലിയും പൊതുസമ്മേളനവും പി.എന്‍.ഹരികൃഷ്ണകുമാര്‍ ഉദ്ഘാടനം ചെയ്യും. പെരുമ്പാവൂരില്‍ ബിഎംഎസ്‌ ജില്ലാ ഖജാന്‍ജി കെ.വി.മധുകുമാര്‍ ഉദ്ഘാടനം ചെയ്യും. ജില്ലാ വൈസ്‌ പ്രസിഡന്റ്‌ അഡ്വ.കെ.സി.മുരളീധരന്‍ സംസാരിക്കും. മൂവാറ്റുപുഴയില്‍ നടക്കുന്ന വിശ്വകര്‍മ്മജയന്തി ആഘോഷം ജില്ലാ പ്രസിഡന്റ്‌ ഇ.ഡി.ഉണ്ണികൃഷ്ണന്‍ ഉദ്ഘാടനം ചെയ്യും.
കൊച്ചിയില്‍ തൊപ്പും പടിയില്‍ 4ന് നടക്കുന്ന തൊഴിലാളി റാലിയും പൊതുസമ്മേളനവും ജില്ലാ ജോയിന്റ്‌ സെക്രട്ടറി കെ.എസ്‌.അനില്‍കുമാര്‍, ആലുവയില്‍ 4 മണിക്ക്‌ നടക്കുന്ന തൊഴിലാളി റാലി സംസ്ഥാന സെക്രട്ടറി എന്‍.കെ.മോഹന്‍ദാസ്‌, അങ്കമാലിയില്‍ 4 മണിക്ക്‌ നടക്കുന്ന വിശ്വകര്‍മ്മ ജയന്തിയാഘോഷം ജില്ലാ ജോയിന്റ്‌ സെക്രട്ടറി കെ.എ.പ്രഭാകരന്‍, വരാപ്പുഴയില്‍ 4 മണിക്ക്‌ നടക്കുന്ന വിശ്വകര്‍മ്മജയന്തിയാഘോഷം ബിഎംഎസ്‌ ജില്ലാ ജോയിന്റ്‌ സെക്രട്ടറി സി.എസ്‌.സുനില്‍, പറവൂര്‍ ടൗണില്‍ 4 മണിക്ക്‌ നടക്കുന്ന തൊഴിലാളി റാലി നാഷണല്‍ ബാങ്ക്‌ വര്‍ക്കേഴ്സ്‌ യൂണിന്‍ സംസ്ഥാന ജനറല്‍ സെക്രട്ടറി കെ.വിനോദ്കുമാര്‍ തുടങ്ങിയവര്‍ ഉദ്ഘാടനം ചെയ്യും. കാലടി ടൗണില്‍ നടക്കുന്ന തൊഴിലാളി റാലിയിലും പൊതുസമ്മേളനവും ജില്ലാ ജോയിന്റ്‌ സെക്രട്ടറി പി.എസ്‌.വേണുഗോപാല്‍ ഉദ്ഘാടനം ചെയ്യും. ആര്‍എസ്‌എസ്‌ വിഭാഗ്‌ കാര്യവാഹ്‌ കെ.പി.രമേശ്‌ മുഖ്യപ്രഭാഷണം നടത്തും.
