കൊല്ലം: ശ്രീനാരായണ ഗുരുദേവന്റെ 159-ാമത് ജയന്തിയുടെ ഭാഗമായി എസ്എന്ഡിപി കൊല്ലം യൂണിയന്റെയും എസ്എന്ട്രസ്റ്റിന്റെയും സംയുക്താഭിമുഖ്യത്തില് ഘോഷയാത്രയും മഹാസമ്മേളനവും ഇന്നു നടക്കും.ജയന്തിഘോഷയാത്ര വൈകിട്ട് 5ന് സിംസ് ആശുപത്രിയിലെ ശങ്കര് സ്മൃതി മണ്ഡപത്തില് നിന്നും ആരംഭിക്കും. എസ്എന് കോളജ് അങ്കണത്തില് നടക്കുന്ന മഹാസമ്മേളനത്തില് യൂണിയന് പ്രസിഡന്റ് മോഹന് ശങ്കര് അധ്യക്ഷത വഹിക്കും. സ്പീക്കര് ജി. കാര്ത്തികേയന് സമ്മേളനം ഉദ്ഘാടനം ചെയ്യും. മേയര് പ്രസന്ന ഏണസ്റ്റ് ജയന്തി സന്ദേശവും, എന്. പീതാംബരക്കുറുപ്പ് അനുമോദനവും സമ്മാനദാനവും നിര്വഹിക്കും.
ചാത്തന്നൂര്: എസ്.എന്.ഡി.പി ചാത്തന്നൂര് യൂണിയന്റെ ഗുരുദേവജയന്തി ആഘോഷങ്ങള്ക്കുള്ള ഒരുക്കങ്ങള് പൂര്ത്തിയായി. എല്ലാ ശാഖായോഗങ്ങളിലും കവലകളിലും പീതപതാകകളും തോരണങ്ങളും കൊണ്ടലംകൃതമായി. ജയന്തിഘോഷയാത്ര ഇന്ന് വൈകിട്ട് നാലിന് കാരംകോട് ഗുരുമന്ദിരാങ്കണത്തില് നിന്നാരംഭിക്കും.
എന്.പീതാംബരക്കുറുപ്പ് എം.പി, ചാത്തന്നൂര് എസ.എന്.എന്.ഡി.പി യൂണിയന് പ്രസിഡന്റ് ബി.ബി.ഗോപകുമാറിന് പീതപതാക കൈമാറി ഘോഷയാത്ര ഉദ്ഘാടനം ചെയ്യും. ചാത്തന്നൂര് യൂണിയനില്പ്പെട്ട 52 ശാഖായോഗങ്ങളിലും ജയന്തിഘോഷയാത്രക്ക് ശ്രീനാരായണിയര് എത്തിചേരും. വനിതാസംഘം, യൂത്ത് മൂവ്മെന്റ്, ബാലജനയോഗം, മറ്റു ശ്രീനാരായണ വിദ്യാഭ്യാസസ്ഥാപനങ്ങളായ എസ്.എന്.കോളേജ്, എസ്.എന്.ടി.എച്ച്.എസ്.എസ്, കൊട്ടിയം എസ്.എന്.പോളിടെക്നിക്, എസ്.എന്.ഐ.ടി.ഐ. എന്നിവയും ഘോഷയാത്രയില് അണിനിരക്കും. ഗജവീരന്മാര്, വാദ്യഘോഷങ്ങള്, നിശ്ചലദൃശ്യങ്ങള്, ഗുരുദേവ ഭക്തിഗാനാലാപനസംഘങ്ങള് എന്നിവ ഘോഷയാത്രയെ പ്രൗഢഗംഭീരമാക്കും.
പറവൂര്: എസ്.എന്.വി സമാജത്തിന്റെ ചതയദിനാഘോഷം ഇന്ന് രാവിലെ 9.30ന് സമാജംവക എസ്.എന്.വി.ഗേള്സ് ഹൈസ്കൂള് അങ്കണത്തില് തുടങ്ങും. സമാജം പ്രസിഡന്റ് ബി.ജയരാജന്റെ അധ്യക്ഷതയില് എന്.പീതാംബരക്കുറുപ്പ് എം.പി. ഉദ്ഘാടനം ചെയ്യും. ജി.എസ്.ജയലാല് എം.എല്.എ. ജയന്തിദിനസന്ദേശം നല്കും. സ്കൂളില്നിന്ന് മികച്ച വിജയം കൈവരിച്ച വിദ്യാര്ഥിനികളെ മുന് മന്ത്രി സി.വി.പത്മരാജന് ആദരിക്കും. യൂണിഫോം വിതരണത്തിന്റെ ഉദ്ഘാടനം പറവൂര് നഗരസഭാ ചെയര്പേഴ്സണ് വി.അംബിക നടത്തും.
കൊല്ലം: നാരായണഗുരു ജയന്തിയാഘോഷവും ചെമ്പഴന്തി ഗുരുകുലത്തിലേക്ക് ജാഥയും ഗുരുധര്മ്മ പ്രചരണ സംഘത്തിന്റെയാഭിമുഖ്യത്തില് ഇന്ന് നടക്കും. രാവിലെ 6 മുതല് പുത്തൂര് തെക്കുംപുറം ചുണ്ടാലില് ഭാഗത്ത് ശിവഗിരിമഠത്തിലെ സ്വാമി കൃഷ്ണാനന്ദ നടത്തുന്ന ഗുരുപൂജയോടെ ചടങ്ങുകള് തുടങ്ങും.ജയന്തിദിന പ്രാര്ത്ഥനായോഗം മധു മാറനാട് ഉദ്ഘാടനം ചെയ്യും. ബിനു ചൂണ്ടാലി അധ്യക്ഷത വഹിക്കും. ജില്ലാ പഞ്ചായത്തംഗം പാത്തല രാഘവന് പ്രഭാഷണം നടത്തും. പീതാംബര വിതരണം പറവൂര് മോഹന്ലാല് നിര്വഹിക്കും.
