മരട്: ബാലഗോകുലം മരട് നഗരത്തിലെ ശ്രീകൃഷ്ണജയന്തി ആഘോഷങ്ങള്ക്ക് തുടക്കംകുറിച്ചുകൊണ്ട് സാംസ്ക്കാരിക സമ്മേളനം മരട് കൊട്ടാരം എസ്എന് പാര്ക്കില് ജില്ലാ അധ്യക്ഷന് മേലേത്ത് രാധാകൃഷ്ണന് ഉദ്ഘാടനം ചെയ്തു. പ്രൊഫ. ബാലകൃഷ്ണന് അധ്യക്ഷത വഹിച്ചു. ആദ്ധ്യാത്മിക സാമൂഹ്യരംഗത്ത് അമൂല്യസംഭാവനകള് നല്കിയ എം.ആര്.എസ്.മേനോനെ ബാലദിന പുരസ്ക്കാരം നല്കി ആദരിച്ചു. ബാലഗോകുലം സംസ്ഥാന സംഘടനാ കാര്യദര്ശി സി.കെ.സുനില് കുമാര് മുഖ്യപ്രഭാഷണം നടത്തി. എംഎസ്സിയില് റാങ്ക് നേടിയ ദിവ്യയെ അനുമോദിച്ചു.
ശ്രീകൃഷ്ണഗീതി, പുരാണപ്രശ്നോത്തരി എന്നിവയില് മത്സരങ്ങള് നടന്നു. എം.മഞ്ജുനാഥ് സ്വാഗതവും സുബീഷ് നന്ദിയും പറഞ്ഞു. ശ്രീകൃഷ്ണഗീതിയില് സിന്ധു വിഭാഗത്തില് വിഷ്ണു.എ ഒന്നാംസ്ഥാനവും ശ്രീലക്ഷ്മി.എസ് രണ്ടാംസ്ഥാനവും നേടി. യമുന വിഭാഗത്തില് അരവിന്ദ് മേനോന്, അനു ഇന്ദ്രന് എന്നിവര് ഒന്നും രണ്ടും സ്ഥാനങ്ങള് നേടി. പ്രശ്നോത്തരി മത്സരത്തില് അഭിറാം, ശ്രീലക്ഷ്മി, ശാലിനി, രഞ്ജിത ദേവ്, അപര്ണ്ണ എസ്.മേനോന്, ഹരികൃഷ്ണന്.കെ.എം, ഗായത്രി എന്നിവര് ഒന്നും രണ്ടും സ്ഥാനങ്ങള് നേടി.
