കൊച്ചി: പനമ്പിള്ളി നഗര്, ലക്ഷദ്വീപ് വികസന സമിതി ഓഫീസിനു മുമ്പില് ബിഎംഎസ് നടത്തിവരുന്ന അനിശ്ചിതകാല സത്യാഗ്രഹ സമരത്തിന്റെ ഭാഗമായി ഇന്ന് രാവിലെ 9.30ന് വൈറ്റില മേഖല കമ്മിറ്റിയുടെ നേതൃത്വത്തില് ലക്ഷദ്വീപ് ഓഫീസിലേക്ക് പ്രകടനം നടത്തും.
ബിഎംഎസ് എറണാകുളം മേഖല സെക്രട്ടറി സജിത്ത് ബോള്ഗാട്ടി, ബിജെപി തൃക്കാക്കര നിയോജകമണ്ഡലം സെക്രട്ടറി സി.സതീശന്, പി.ആര്.ഓമനക്കുട്ടന്, സുനില് കടവന്ത്ര, ബിജു എന്നിവര് നേതൃത്വം നല്കും. 14-ാം ദിന സത്യാഗ്രഹ സമരം ബിജെപി സംസ്ഥാന ജനറല് സെക്രട്ടറി എ.എന്.രാധാകൃഷ്ണന് ഉദ്ഘാടനം ചെയ്യും. യൂണിയന് ജനറല് സെക്രട്ടറി കെ.എസ്.അനില്കുമാര് അദ്ധ്യക്ഷത വഹിക്കും. ബിഎംഎസ് ജില്ലാ പ്രസിഡന്റ് എ.ഡി.ഉണ്ണികൃഷ്ണന്, ജില്ലാ സെക്രട്ടറി ആര്.രഘുരാജ്, ബിജെപി മണ്ഡലം പ്രസിഡന്റ് ബാബുരാജ് തച്ചേത്ത്, ബിഎംഎസ് മോട്ടോര് തൊഴിലാളി സംഘം ജില്ലാ വൈസ് പ്രസിഡന്റ് പി.എസ്.ചന്ദ്രദാസ് മേഖല വൈസ് പ്രസിഡന്റ് പി.എസ്.ചന്ദ്രദാസ് മേഖല വൈസ് പ്രസിഡന്റ് എസ്.സുധീര് എന്നിവര് പ്രസംഗിക്കും.
