കോട്ടയം: മുന്നോക്ക വികസന കോര്പ്പറേഷന് ചെയര്മാന് ക്യാബിനറ്റ് പദവി നല്കിയ സര്ക്കാര്, പിന്നോക്ക വികസന കോര്പ്പറേഷന് ചെയര്മാന് സ്ഥാനവും ക്യാബിനറ്റ് പദവിക്ക് തുല്യമാക്കി നല്കാന് സര്ക്കാര് തയ്യാറാകണമെന്ന് വിഎസ്എസ് ജില്ലാ കമ്മറ്റി ആവശ്യപ്പെട്ടു. വിശ്വകര്മ്മജരുടെ പിന്നോക്കാവസ്ഥ പഠിക്കുന്നതിന് നിയോഗിച്ച ഡോ. പി.എന് ശങ്കരന് കമ്മീഷന് പ്രവര്ത്തിക്കുന്നതിനും, പിന്നോക്ക വികസന കോര്പ്പറേഷന് പ്രവര്ത്തിക്കുന്നതിനും വേണ്ട ഫണ്ടും സൗകര്യങ്ങളും നല്കുന്നതില് സര്ക്കാര് വിവേചനപരമായ നടപടി തിരുത്തി പിന്നോക്ക വിഭാഗങ്ങളുള്പ്പെടെയുള്ള വിഭാഗങ്ങള്ക്ക് ലഭിക്കേണ്ട സാമൂഹ്യസമത്വം ഉറപ്പാക്കാന് സര്ക്കാര് തയ്യാറാകണമെന്നും കമ്മറ്റി ആവശ്യപ്പെട്ടു.
ജില്ലാ പ്രസിഡന്റ് കെ.ആര് സുധീന്ദ്രന് അധ്യക്ഷതവഹിച്ചു. സംസ്ഥാന വൈസ്പ്രസിഡന്റ് ടി.എ ചെല്ലപ്പനാചാരി, ട്രഷറര് എം.പി രാധാകൃഷ്ണന്, ജില്ലാ സെക്രട്ടറി സി.ആര് ബിനുമോന്, കൗണ്സിലര് എന്.കെ ആചാരി, ബോര്ഡ് മെമ്പര് പി. ഉദയഭാനു, ജില്ലാ വൈസ്പ്രസിഡന്റ് നരിമറ്റം സദാനന്ദന്, ട്രഷറര് വി.സി നടരാജന്, ജില്ലാ ജോയിന്റ് സെക്രട്ടറി പി.എന് സുകുമാരന്, ചങ്ങനാശ്ശേരി യൂണിയന് പ്രസിഡന്റ് എം.പി രവി, കോട്ടയം യൂണിയന് പ്രസിഡന്റ് എ. രാജന്, മീനച്ചില് യൂണിയന് സെക്രട്ടറി കെ.വി ഷാജി കാഞ്ഞിരപ്പള്ളി യൂണിയന് സെക്രട്ടറി കെ.ബി ബിജുമോന്, മഹിളാ സംഘം പ്രസിഡന്റ് ശോഭാ ചന്ദ്രശേരഖരന്, സരസമ്മ കൃഷ്ണന്, പി.ജി ചന്ദ്രബാബു, എം.പി ദാസപ്പനാചാരി എന്നിവര് സംസാരിച്ചു.
