കോട്ടയം: മോട്ടോര് വാഹനവകുപ്പിന്റെ 25-ഓളം ഇടപാടുകള്ക്ക് ഓണ്ലൈന് മുഖേന പണമടയ്ക്കാവുന്ന ഇ-പേയ്മെന്റ് സംവിധാനം പ്രയോജനപ്പെടുത്തണമെന്ന് റീജയണല് ട്രാന്സ്പോര്ട്ട് ഓഫീസര് നിര്ദേശിച്ചു. വാഹന ഉടമകള്ക്ക് ഏറെ സൗകര്യപ്രദമായ ഈ സംവിധാനം സംസ്ഥാനത്തെ എല്ലാ റീജിയണല്/സബ് റീജിയണല് ട്രാന്സ്പോര്ട്ട് ഓഫീസുകളിലും നിലവില് വന്നു.
വാഹനത്തിന്റെ ഉടമസ്ഥാവകാശം കൈമാറുന്നതിന് പണമടയ്ക്കാന് ംംം.സലൃമഹമാ്റ.ഴീ്.ശി എന്ന വെബ്സൈറ്റില് ട്രാന്സ്ഫര് ഓഫ് ഓണര്ഷിപ്പ് എന്ന ഓപ്ഷനില് ക്ലിക്ക് ചെയ്യുക. തുടര്ന്നുവരുന്ന പേജില് ഓഫീസിന്റെ പേര്, വാഹനത്തിന്റെ നമ്പര്, ഷാസി നമ്പരിന്റെ അവസാനത്തെ അഞ്ച് അക്കങ്ങള് എന്നിവ രേഖപ്പെടുത്തിയതിനുശേഷം ‘ഗോ’ ഓപ്ഷന് ക്ലിക്ക് ചെയ്യുക. വെഹിക്കിള് ഡീറ്റെയില്സ് എന്ന പേജില് ‘നെക്സ്റ്റ്’ ഓപ്ഷന് ക്ലിക്ക് ചെയ്യുക. ട്രാന്സ്ഫര് ഓഫ് ഓണര്ഷിപ്പ് എന്ന പേജില് ആവശ്യമായ വിവരങ്ങള് രേഖപ്പെടുത്തിയശേഷം ‘സേവ്’ ഓപ്ഷന് ക്ലിക്ക് ചെയ്യുക. തുടര്ന്ന് അയയ്ക്കേണ്ട ഓഫീസിന്റെ പേജ് കാണാന് കഴിയും.
ഇ-പേയ്മെന്റിനായി ‘പേ ഓണ്ലൈന്’ എന്ന ഓപ്ഷന് ക്ലിക്ക് ചെയ്യുക. ‘ഡെബിറ്റ് യുവര് അക്കൗണ്ട്’ എന്ന പേജില് ബാങ്കിന്റെ പേര് ക്ലിക്ക് ചെയ്യുക. ഇ-മെയില് വിലാസവും ഫോണ് നമ്പരും രേഖപ്പെടുത്തിയശേഷം ‘സബ്മിറ്റ്’ ക്ലിക്ക് ചെയ്യുക. ഇ-പേയ്മെന്റ് ഓപ്ഷന് ഇന്റര്നെറ്റ് ബാങ്കിംഗ്, എ.റ്റി.എം കം ഡെബിറ്റ് കാര്ഡ് എസ്.ബി.ഐ തെരഞ്ഞെടുക്കുക. സബ്മിറ്റ് ഓപ്ഷന് ക്ലിക്ക് ചെയ്ത് ലോഗിംഗ് എന്ന പേജില് പേര്, പാസ്വേഡ് എന്നിവ രേഖപ്പെടുത്തി സബ്മിറ്റ് ഓപ്ഷന് ക്ലിക്ക് ചെയ്ത് പണമടച്ചെന്ന് ഉറപ്പുവരുത്തുക. തിരികെ ംംം.സലൃമഹമാ്റ.ഴീ്.ശി എന്ന സൈറ്റിലെത്തി ഇടപാടിന്റെ പ്രിന്റൗട്ട് എടുക്കാം. ഡ്രൈവിംഗ് ലൈസന്സ് പുതുക്കുന്നതിനും മറ്റ് ഇടപാടുകള്ക്കും ഇതേ വെബ്സൈറ്റില് പ്രത്യേകം ഓപ്ഷനുകളുണ്ട്.
