മുംബൈ: മുംബൈ സ്ഫോടനക്കേസില് ജയില് ശിക്ഷ അനുഭവിക്കുന്ന ബോളിവുഡ് താരം സഞ്ജയ് ദത്തിനെ ഒരു മാസം മുംബൈ ആര്തര് റോഡ് ജയിലില് പാര്പ്പിക്കും. സഞ്ജയിനെ പുനെ യേര്വാഡ ജയിലിലേക്കു മാറ്റണമെന്ന ആവശ്യം പിന്നീട് പരിഗണിക്കും.
ജീവനു ഭീഷണിയുണ്ടെന്നാരോപിച്ചാണു സഞ്ജയ് ദത്ത് യേര്വാഡ ജയിലിലേക്ക് മാറ്റണമെന്ന ആവശ്യം ഉന്നയിച്ചത്. വിചാരണത്തടവുകാരെയാണു സാധാരണയായി ആര്തര് റോഡ് ജയിലില് പാര്പ്പിക്കുന്നത്. ശിക്ഷിക്കപ്പെടുന്നവരെ മഹരാഷ്ട്ര സെന്ട്രല് ജയിലിലേക്കു മാറ്റും.
പ്രതികള് ജയിലുമായി പഴകുന്നതിനാണ് അര്തര് റോഡ് ജയിലുപയോഗിക്കാറുള്ളത്. അണ്ഡാ സെല്ലില് നിന്ന സഞ്ജയ് ദത്തിനെ മാറ്റണെമെന്നാവശ്യപ്പെട്ട് ഇദ്ദേഹത്തിന്റെ അഭിഭാഷകന് വെള്ളിയാഴ്ച്ച കോടതിയില് അപേക്ഷ സമ്മര്പ്പിച്ചിരുന്നു.
കടുത്ത സുരക്ഷയിലാണ് സഞ്ജയ് ദത്ത് അര്ത്തര് റോഡ് ജയിലില് കഴിയുന്നത്. കഴിഞ്ഞ വ്യാഴാഴ്ച്ചയാണ് സഞ്ജയ് ദത്ത് കോടതിയില് കീഴടങ്ങിയത്. ഇതിനകം തന്നെ 18 മാസം ശിക്ഷ അനുഭവിച്ച സഞ്ജയ് ദത്ത് ബാക്കിയുള്ള 48 മാസത്തെ ശിക്ഷ പൂര്ത്തിയാക്കാനാണ് സുപ്രീം കോടതി വിധി പ്രകാരം കീഴടങ്ങിയത്.
