കൊച്ചി: കേരള പത്രപ്രവര്ത്തക യൂണിയന് സുവര്ണ്ണ ജൂബിലി ആഘോഷങ്ങളുടെ ഭാഗമായി സംഘടിപ്പിച്ച സംസ്ഥാനതല ഫോട്ടോപ്രദര്ശനം ടൗണ് ഹാളില് നടന് മോഹന് ലാല് ഉദ്ഘാടനം ചെയ്തു. പത്രപ്രവര്ത്തക യൂണിയന് സംസ്ഥാന പ്രസിഡന്റ് കെ.സി രാജഗോപാല് ചടങ്ങില് അദ്ധ്യക്ഷത വഹിച്ചു.മേയര് ടോണി ചമ്മണി മുഖ്യാതിഥിയായിരുന്നു. പ്രദര്ശനത്തിലെ മികച്ച ഫോട്ടോയ്ക്കുള്ള സമ്മാനം കേരളകൗമുദി കോഴിക്കോട് യൂണിറ്റിലെ സീനിയര് ഫോട്ടോഗ്രാഫര് പി.ജെ ഷെല്ലിക്ക് മോഹന്ലാല് സമ്മാനിച്ചു. യുഎഇ എക്സ്ചേഞ്ച് വിജയിക്ക് നല്കുന്ന പതിനായിരം രൂപ മേയര്ടോണി ചമ്മണി സമ്മാനിച്ചു. ഉദ്ഘാടനത്തിന് ശേഷം മോഹന്ലാല് ഫോട്ടോപ്രദര്ശനം മുഴുവന് കാണുകയും ഫോട്ടോകളുടെ വിവരങ്ങള് തിരക്കിയും കൗതുകങ്ങളും വസ്തുതകളും അറിഞ്ഞ് അഭിപ്രായം പറയുകയും ചെയ്തു.കേരളപത്രപ്രവര്ത്തക യൂണിയന് ജനറല് സെക്രട്ടറി മനോഹര് മോറായി മോഹന്ലാലിന് ഉപഹാരം സമ്മര്പ്പിച്ചു. പ്രസ് ക്ലബ്ബ് പ്രസിഡന്റ് അബ്ബ്ദുള്ള മട്ടാഞ്ചേരി സ്വാഗതവും പ്രദര്ശനത്തിന്റെ കണ്വീനര് ആര്. ആര് ജയറാം നന്ദിയു പറഞ്ഞു.
വാര്ത്താ ചിത്ര പ്രദര്ശനം മോഹന്ലാലിന് വിസ്മയമായി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.