ആലുവ: സംഘസംസ്ക്കാരം ഉള്ക്കൊണ്ട് ജീവിക്കുന്ന സമൂഹം വളര്ന്നുവരേണ്ടത് കാലഘട്ടത്തിന്റെ ആവശ്യമാണെന്ന് ധര്മ്മജാഗരണ് പ്രമുഖ് വി.കെ. വിശ്വനാഥന് അഭിപ്രായപ്പെട്ടു. ആര്എസ്എസ് ആലുവ താലൂക്ക് പ്രൗഢ ഏകദിന ശിബിരത്തിന്റെ സമാപനസമ്മേളനത്തില് സംസാരിക്കുകയായിരുന്നു അദ്ദേഹം. നമ്മുടെ പാമ്പര്യത്തെ തകര്ക്കാനുള്ള ഗൂഢനീക്കമാണ് ഭാരതത്തില് വ്യാപകമായി നടക്കുന്നത്. ഈ കനത്ത വെല്ലുവിളികളെ സംഘപ്രവര്ത്തനത്തിലൂടെ നാം അതിജീവിക്കണമെന്ന് അദ്ദേഹം പറഞ്ഞു. സീമാജാഗരണ് മഞ്ച് അഖിലഭാരതീയ സഹസംയോജകന് എ. ഗോപാലകൃഷ്ണന് ശിബിരം ഉദ്ഘാടനംചെയ്തു. ഭാരതീയ നവോത്ഥാനത്തിന്റെ വളര്ച്ചക്ക് സംഘപ്രവര്ത്തനം ആക്കം കൂട്ടിയെന്ന് അദ്ദേഹം പറഞ്ഞു.
താലൂക്ക് സംഘചാലക് വിനോദ് വി. കമ്മത്ത് അധ്യക്ഷത വഹിച്ചു. ആര്എസ്എസ് പ്രാന്തീയ സംഘചാലക് പി.ഇ.ബി. മേനോന്, ജില്ലാ സംഘചാലക് ഡോ. എസ്. അയ്യപ്പന്പിള്ള, ഗ്രാമവികാസ് പ്രമുഖ് കെ. ഗോവിന്ദന്കുട്ടി, വിഭാഗ് പ്രചാരക് എസ്. സുദര്ശനന് എന്നിവര് സംസാരിച്ചു.
