കൊച്ചി: വളരുന്ന കൊച്ചിയുടെ ഭാഗമായ എളമക്കരയില് ക്രമസമാധാനം പാലിക്കാന് അടിയന്തരമയും ഒരു പോലീസ്സ്റ്റേഷന് സ്ഥാപിക്കണമെന്ന് എഡ്രാക്ക് കലൂര് നോര്ത്ത് മേഖല കൗണ്സില് ഗവണ്മെന്റിനോട് ആവശ്യപ്പെട്ടു. പുതുക്കലവട്ടം മുതല് ദേശാഭിമാനി റോഡ് വഴി ആലുവ, ചോറ്റാനിക്കര, കാക്കനാട്, ചിറ്റൂര്, ഫോര്ട്ടുകൊച്ചി ഭാഗങ്ങളിലേക്ക് തിരുകൊച്ചി ബസ്സര്വീസ് ആരംഭിക്കണമെന്നും കലൂര് മേഖല കൗണ്സില് ആവശ്യപ്പെട്ടു.
യോഗത്തില് എഡ്രാക്ക് മേഖലാ പ്രസിഡന്റ് സി.എ. ലത്തീഫ് അധ്യക്ഷനായിരുന്നു. മേഖലാ സെക്രട്ടറി ടി.വി.അലിയാര്, ജോയിന്റ് സെക്രട്ടറി കലൂര് ഉണ്ണികൃഷ്ണന്, എഡ്രാക്ക് പ്രസിഡന്റ് പി. രംഗനാഥപ്രഭു, എഡ്രാക്ക് സെക്രട്ടറിമാരായ വി. സുബ്രഹ്മണ്യം, സുരേഷ് എന്നിവര് സംസാരിച്ചു. വൈസ് പ്രസിഡനൃ ഷെരീഫ് കൊട്ടാരക്കര നന്ദി പറഞ്ഞു.
പുതിയ എഡ്രാക്ക് കലൂര് മേഖല നോര്ത്ത് ഭാരവാഹികളായി സി.എ. ലത്തീഫ് പ്രസിഡന്റായും ടി.വി. അലിയാര് സെക്രട്ടറിയായും കെ.കെ. അബു ട്രഷററായും തെരഞ്ഞെടുക്കപ്പെട്ടു. ജില്ലാ കമ്മറ്റിയിലേക്ക് വി. സുബ്രഹ്മണ്യത്തെ തെരഞ്ഞെടുത്തു.
