കായംകുളം: കായംകുളത്തിനടുത്ത് വന് സ്പിരിറ്റ് വേട്ട. രഹസ്യവിവരത്തെ തുടര്ന്ന് ചൊവ്വാഴ്ച അര്ധരാത്രി പോലീസ് നടത്തിയ റെയ്ഡിലാണ് പുതുപ്പള്ളി ഗോവിന്ദമുട്ടത്ത് വീട്ടില് അനധികൃതമായി സൂക്ഷിച്ചിരുന്ന 5,145 ലിറ്റര് സ്പിരിറ്റ് പോലീസ് പിടികൂടിയത്.
147 കന്നാസുകളിലായാണ് സ്പിരിറ്റ് സൂക്ഷിച്ചിരുന്നത്. സ്പിരിറ്റ് കടത്താനുപയോഗിച്ച ലോറിയും കസ്റ്റഡിയിലെടുത്തു. ഗോഡൗണില് ചകിരി കൂട്ടിയിട്ട് അതിനുള്ളിലാണ് സ്പിരിറ്റ് സൂക്ഷിച്ചിരുന്നത്. രാത്രി സ്പ്രിരിറ്റ് വീട്ടില് നിന്നും ലോറിയില് കയറ്റാന് ശ്രമിക്കുമ്പോള് നാട്ടുകാര് വിവരം നല്കിയതിനെ തുടര്ന്ന് പോലീസെത്തി പിടികൂടുകയായിരുന്നു.
സംഭവവുമായി ബന്ധപ്പെട്ട് ലോറി ഡ്രൈവറെ അറസ്റ്റ് ചെയ്തിട്ടുണ്ട്. മറ്റുള്ളവര് ഓടി രക്ഷപ്പെട്ടു. കേസ് എക്സൈസ് സംഘത്തിന് കൈമാറുമെന്ന് പോലീസ് അറിയിച്ചു.
