ദ്യോക്കോ ഡാന്‍സ് തുടങ്ങി; റൈബാക്കിനയ്‌ക്കും തകര്‍പ്പന്‍ തുടക്കം, വാവ്‌റിങ്ക പുറത്ത്

പാരീസ്: ആതിഥേയ താരം പെറികാര്‍ഡിനെ തോല്‍പ്പിച്ചുകൊണ്ട് നോവാക് ദ്യോക്കോവിച് ഫ്രഞ്ച് ഓപ്പണ്‍ മുന്നേറ്റത്തിന് തുടക്കമിട്ടു. ആദ്യ മത്സരത്തില്‍ ആതിഥേയ താരത്തില്‍ നിന്ന് കുറച്ച് വെല്ലുവിളി നേരിട്ടെങ്കിലും പിന്നീട് ട്രാക്കിലാക്കാന്‍ ദ്യോക്കോവിന് സാധിച്ചു.

ആദ്യ രണ്ട് സെറ്റുകളിലും ദ്യോക്കോവിന് കടുപ്പമായിരുന്നു പിന്നീട് ദ്യോക്കോവ് തന്റെ പോരാട്ട വീര്യം പുറത്തെടുത്ത് പെറിക്കാര്‍ഡിനെ തോല്‍പ്പിക്കുകയായിരുന്നു. സ്‌കോര്‍ 5-7, 7-5, 6-1, 6-4

വനിതാ സിംഗിള്‍സില്‍ രണ്ടാം സീഡ് താരം എലേന റൈബാക്കിന, ഇഗ സ്വായിടെക്, എലിസെ മെര്‍ട്ടെന്‍സ്, ജാസ്മീന്‍ പാവോലീനി എന്നിവര്‍ നേരിട്ടുള്ള സെറ്റ് വിജയത്തോടെ രണ്ടാം റൗണ്ടിലേക്ക് മുന്നേറി.

രണ്ടാം സീഡ് താരം റൈബാക്കിന ആദ്യ മത്സരത്തില്‍ വെറോണിക എര്‍യാവെക്കിനെയാണ് പരാജയപ്പെടുത്തിയത്. സ്‌കോര്‍ 6-2, 6-2. മൂന്നാം സീഡ് താരമായ സ്വായിടെക് എമേഴ്‌സണ്‍ ജോന്‍സിനെയാണ് നേരിട്ടുള്ള സെറ്റിന് തോല്‍പ്പിച്ചത്. ഫ്രഞ്ച് ഓപ്പണില്‍ നാല് തവണ കിരീടം നേടിയ താരമാണ് ഇഗ. സ്‌കോര്‍ 6-1, 6-2നായിരുന്നു താരത്തന്റെ ആദ്യ റൗണ്ട് വിജയം.

ജര്‍മനിയുടെ തത്യാന മരിയയെ നേരിട്ട എലീസെ മെര്‍ട്ടെന്‍സ് നേരിട്ടുള്ള സെറ്റ് വിജയത്തോടെയാണ് ആദ്യ കടമ്പ കടന്നത്. രണ്ടാം സെറ്റില്‍ താരം ഒരു പോയിന്റ് പോലും വഴങ്ങിയില്ല. സ്‌കോര്‍ 7-5, 6-0.

പുരുഷ സിംഗിള്‍സില്‍ സ്വിറ്റ്‌സര്‍ലന്‍ഡില്‍ നിന്നുള്ള സ്റ്റാന്‍ വാവ്‌റിങ്ക നാല് സെറ്റ് നീണ്ട മത്സരത്തിനൊടുവിലാണ് പരാജയപ്പെട്ടത്. ബെല്‍ജിയത്തിന്റെ ജെസ്‌പെര്‍ ഡി ജോങ്ങിനോടാണ് പരാജയപ്പെട്ടത്.