ആലപ്പുഴ: യുഡിഎഫിന്റെ ഭരണത്തണലില് ജമാഅത്തെ ഇസ്ലാമിയുടെ പ്രവര്ത്തനം കുടുതല് മേഖലകളിലേക്ക് വ്യാപിപ്പിക്കുന്നു. നിലവിലെ രാഷ്ട്രീയ അനുകൂല സാഹചര്യം ഉപയോഗിച്ച് സംഘടനാ സംവിധാനവും ആശയപ്രചാരണവും സംഘടന വ്യാപിപ്പിക്കുകയാണ്. ജമാഅത്തെ ഇസ്ലാമിയുടെ രാഷ്ട്രീയ മുഖമായ വെല്ഫയര് പാര്ട്ടിക്ക് വേണ്ടത്ര വേരോട്ടം മുസ്ലീം മതവിഭാഗത്തില് പോലും ലഭിക്കാത്ത സാഹചര്യത്തിലാണ് ബദല് മാര്ഗങ്ങള് പരീക്ഷിക്കുന്നത്. നിലവില് മതത്തിന്റെ പേരില് സര്ക്കാര് ഉദ്യോഗസ്ഥരുടെ ഇടയില് ‘മെക്ക’ തുടങ്ങിയ സംഘടനകള് പ്രവര്ത്തിക്കുന്നുണ്ടെങ്കിലും ജമാഅത്തെ ഇസ്ലാമിയുടെ ആശയങ്ങള് പ്രചരിപ്പിക്കുന്നതിനായി മറ്റു സംഘടനകള് രൂപീകരിച്ച് പ്രവര്ത്തനം ശക്തമാക്കുകയാണ്.
യുഡിഎഫ് ഭരണകാലത്ത് മുസ്ലീം ലീഗ് കുത്തകയാക്കി വെച്ചിരിക്കുന്ന വിദ്യാഭ്യാസ മേഖലയാണ് ഇവരുടെ പ്രധാന ലക്ഷ്യം. വെല്ഫയര് പാര്ട്ടിയുടെ സംഘടനയായ കേരള സ്കൂള് ടീച്ചേഴ്സ് മൂവ്മെന്റിന്റെ പ്രവര്ത്തനം സജീവമാക്കാനുള്ള നീക്കം ആരംഭിച്ചു കഴിഞ്ഞു. ഇതിന്റെ ഭാഗമായി സംസ്ഥാന കമ്മറ്റി ഓഫീസ് തിരുവനന്തപു
രത്ത് ആരംഭിച്ചു. മതന്യൂനപക്ഷ വോട്ട്ബാങ്കിന്റെ ബലത്തില് അധികാരത്തില് എത്തിയ യുഡിഎഫ് ഭരണത്തില് സര്ക്കാര് ഉദ്യോഗസ്ഥരിലും അദ്ധ്യാപകരിലും ഉള്പ്പടെ തങ്ങളുട ആശയം പ്രചരിപ്പിക്കുകയാണ് ഇവരുടെ ലക്ഷ്യമെന്ന് ചൂണ്ടിക്കാണിക്കപ്പെടുന്നു.
തെരഞ്ഞെടുപ്പില് യുഡിഎഫിന് പരസ്യമായി പിന്തുണ നല്കുക മാത്രമല്ല. മുസ്ലീം മതവിഭാഗങ്ങള്ക്കിടയില് ആശയപരമായി പ്രചാരണം നടത്തി ലീഗിനെ പോലും നിയന്ത്രിക്കുന്ന ശക്തിയായി മാറാനും ജമാഅത്തെ ഇസ്ലാമിക്ക് കഴിഞ്ഞു. ആളെണ്ണത്തില് കുറവാണെങ്കിലും ആശയപ്രചാരണത്തിലെ മേല്ക്കൈ ആണ് ഇതിന് സഹായമായത്. യുഡിഎഫിനെ നയിച്ച വി. ഡി. സതീശന് ജമാഅത്തെ ഇസ്ലാമിക്ക് നല്ല സര്ട്ടിഫിക്കറ്റ് നല്കുകയും ചെയ്തിരുന്നു. മതരാഷ്ട്രവാദം ജമാഅത്തെ ഇസ്ലാമി ഉപേക്ഷിച്ചെന്നായിരുന്നു സതീശന്റെ വാദം. എന്നാല് ഇതുവരെ തങ്ങളുടെ അടിസ്ഥാന ആശയമായ മതരാഷ്ട്രവാദത്തെ തള്ളിപ്പറയാന് അവര് തയാറായിട്ടില്ല.
വടക്കന് കേരളത്തിലും മറ്റിടങ്ങളിലെ മുസ്ലീം വിഭാഗം നിര്ണായകമായ മണ്ഡലങ്ങളിലും യുഡിഎഫ് വിജയത്തിന്റെ ക്രഡിറ്റ് ഏറ്റെടുക്കാനുള്ള ശ്രമവും ജമാഅത്തെ ഇസ്ലാമി തുടങ്ങിക്കഴിഞ്ഞു. യുഡിഎഫ് ഭരണത്തില് ഭാവിയില് തങ്ങളുടെ രാഷ്ട്രീയ, സാമൂഹിക അജണ്ടകള് നേടിയെടുക്കാനുള്ള നീക്കമാണ് ഇതിന് പിന്നില്. മുഖ്യധാരാ രാഷ്ട്രീയത്തില് സ്വീകാര്യത വര്ദ്ധിപ്പിക്കാനുള്ള ശ്രമങ്ങളാണ് ഇപ്പോള് അവര് പയറ്റുന്നത്. വിദ്യാര്ത്ഥി സംഘടനയായ ഫ്രറ്റേണിറ്റി മൂവ്മെന്റിന്റെ പ്രവര്ത്തനങ്ങളും വ്യാപിപ്പിക്കാന് ശ്രമം തുടങ്ങി. സംഘടനയുടെ നേതൃത്വത്തില് സംസ്ഥാനതല ജാഥ സംഘടിപ്പിക്കും. നിഷ്പക്ഷത നടിച്ച് മറ്റു വിദ്യാര്ത്ഥികളില് സ്വാധീനം ഉറപ്പിക്കുകയാണ് ലക്ഷ്യം. സമൂഹമാദ്ധ്യമ പ്ലാറ്റ്ഫോമുകളും, മുഖ്യധാര മാധ്യമ സംവിധാനങ്ങളും ഇതിനായി ഉപയോഗിക്കുന്നു.
