കോയമ്പത്തൂര്: കോയമ്പത്തൂരില് പെണ്കുട്ടിയെ ബലാത്സംഗം ചെയ്ത് കൊലപ്പെടുത്തിയ കേസുമായി ബന്ധപ്പെട്ട വാര്ത്താസമ്മേളനങ്ങളില് മന്ത്രി എസ്. കീര്ത്തനയും ഐജി ആര്.വി. രമ്യാ ഭാരതിയും ചിരിച്ചു കൊണ്ട് മറുപടി പറഞ്ഞത് വിവാദമാവുന്നു.
ഐജി ആര്.വി. രമ്യാ ഭാരതി മറ്റ് പോലീസ് ഉദ്യോഗസ്ഥരുമായി പൊട്ടിച്ചിരിച്ച് മാധ്യമപ്രവര്ത്തകര്ക്ക് ഉത്തരം നല്കുന്നതിന്റെ ദൃശ്യങ്ങള് പുറത്തുവന്നതോടെ പ്രതിഷേധം ശക്തമായി.
തമിഴ്നാട്ടിലെ സുലൂരില് 10 വയസുകാരിയെ ക്രൂരമായി ബലാത്സംഗം ചെയ്ത് കൊലപ്പെടുത്തിയ സംഭവത്തെക്കുറിച്ച് മാധ്യമങ്ങളോട് സംസാരിക്കുന്നതിനിടെയാണ് ഇത്തരത്തില് പൊട്ടിച്ചിരിച്ച് സംസാരിച്ചത്. ഇത് കൊല്ലപ്പെട്ട കുട്ടിയോട് കാണിക്കുന്ന നിര്വികാര മനോഭാവവും നിസംഗതയാണെന്നും സാമൂഹ്യമാധ്യമങ്ങളിലെ ദൃശ്യങ്ങള്ക്ക് മറുപടിയായി ജനങ്ങള് പറഞ്ഞു. പ്രതിഷേധമുയര്ന്നതിനുശേഷം എസ്.
കീര്ത്തന വിശദീകരണം നല്കിയിരുന്നു, തനിക്ക് സംഭാഷണത്തിനൊടുവില് സ്വാഭാവികമായി ചിരി വന്നതാണെന്നും തന്റെ ശരീരഭാഷയെ മനപ്പൂര്വം മോശമായി വളച്ചൊടിക്കുകയാണെന്നും അവര് പറഞ്ഞു. കഴിഞ്ഞ 21നാണ് സുലൂരില് പെണ്കുട്ടിയെ ക്രൂരമായി കൊലപ്പെടുത്തിയത്.
