പെരുമ്പാവൂര്: വെങ്ങോല പഞ്ചായത്തിലെ ഓര്ണ പ്രദേശത്ത് കഴിഞ്ഞ ദിവസം മുസ്ലീം തീവ്രവാദികള് ഹരിജന് കുടുംബങ്ങളെ തിരഞ്ഞുപിടിച്ച് ആക്രമിച്ചു.എന്നാല് ആക്രമണത്തില് ഇറച്ചി വെട്ടുന്ന കത്തികൊണ്ട് തലക്ക് വെട്ടേറ്റ മരങ്ങാട്ടുപറമ്പില് മുരുകന് എന്നയാളെ പ്രതിയാക്കി പോലീസ് കേസെടുത്തതായി പറയുന്നു. വെട്ടിയ കത്തി മുരുകന് തന്നെ കൊണ്ടുവന്നതാണെന്നാണ് പോലീസ് ഭാഷ്യമത്രെ. വ്യാഴാഴ്ച 9 മണിയോടെ ഈ പ്രദേശത്തെ ഒരു കമ്പനിയിലെ കയറ്റിറക്കുമായി ബന്ധപ്പെട്ടുണ്ടായ ചില തര്ക്കങ്ങള് മറയാക്കി ചില മുസ്ലീം തീവ്രവാദികള് ഇവിടുത്തെ ഹരിജനങ്ങളെ തെരഞ്ഞുപിടിച്ച് ആക്രമിക്കുകയായിരുന്നുവെന്ന് നാട്ടുകാര് പറയുന്നു. ഇതിനെത്തുടര്ന്ന് തടിക്കുളങ്ങര വീട്ടില് രാജീവ്, ഇയാളുടെ മാതാവ് കുഞ്ഞുമോള് എന്നിവരെ സര്ക്കാര് ആശുപത്രിയില് പ്രവേശിപ്പിച്ചു. രാജീവിനെ തൊട്ടടുത്തുള്ള തോട്ടിലെ വെള്ളത്തില് മുക്കിക്കൊല്ലുവാന് ശ്രമിച്ചതായും പറയുന്നു.
എന്നാല് തലക്ക് മുറിവേറ്റ് ഗവ. ആശുപത്രിയില് ചികിത്സ തേടിയെത്തിയ മുരുകനെ പെരുമ്പാവൂര് പോലീസ് നിര്ബന്ധിച്ച് ഡിസ്ചാര്ജ് ചെയ്യിച്ച് സ്റ്റേഷനിലേക്ക് കൊണ്ടുവരികയായിരുന്നു. രാത്രി മുഴുവന് സ്റ്റേഷനില് കഴിഞ്ഞ ഇയാള്ക്കെതിരെ മാരകായുധം കയ്യില്വെച്ചെന്ന വകുപ്പുപ്രകാരം പോലീസ് കള്ളക്കേസെടുത്ത് മതതീവ്രവാദികളെ രക്ഷിക്കാനുള്ള ശ്രമമാണ് ചെയ്തതെന്ന് മുരുകന്റെ ബന്ധുക്കള് ആരോപിച്ചു. മര്ദ്ദനത്തില് അവശനായ മുരുകനെ ബന്ധുക്കളുടെയും ഹൈന്ദവ സംഘടനാ നേതാക്കളുടെയും ശക്തമായ ഇടപെടലിനെത്തുടര്ന്ന് വൈദ്യസഹായം നല്കാന് ഡിവൈഎസ്പി സമ്മതിച്ചെങ്കിലും ചില രാഷ്ട്രീയ ഇടപെടല് മൂലം ഇയാളെ ചികിത്സ നല്കാതെ തിരികെ സ്റ്റേഷനില് എത്തിക്കുകയായിരുന്നുവെന്നും നേതാക്കള് പറഞ്ഞു. എന്നാല് പിന്നീട് തീര്ത്തും അവശനായ മുരുകന് നിര്ത്താതെ ഛര്ദ്ദിച്ചപ്പോള്മാത്രമാണ് ഇയാളെ പോലീസ് ആശുപത്രിയില് പ്രവേശിപ്പിച്ചത്. സ്റ്റേഷനില് കൊണ്ടുവന്ന യുവാവിനെ വൈകിട്ട് നാല് മണിയോടെയാണ് എറണാകുളം ജനറല് ആശുപത്രിയില് പ്രവേശിപ്പിക്കുകയായിരുന്നു. എന്നാല് തിവ്രവാദികള്ക്ക് ഒത്താശ ചെയ്യുന്ന മുസ്ലീം പോലീസുകാരന് ഉടനെ ഡിസ്ചാര്ജ്ചെയ്യണമെന്ന് പറഞ്ഞ് ബഹളംകൂട്ടി. എന്നാല് ഡോക്ടര്മാര് രോഗിയുടെ അവസ്ഥ മോശമായതിനാല് ഇതിന് സമ്മതിച്ചില്ല.
സംഭവത്തില് എസ്സി മോര്ച്ച നേതാവ് കെ.സി. ശിവന് ശക്തമായ പ്രതിഷേധം രേഖപ്പെടുത്തി. മുസ്ലീം തീവ്രവാദത്തിന് കീഴടങ്ങുന്ന പോലീസ് നയത്തിനെതിരെ ശക്തമായ പ്രക്ഷോഭം നയിക്കുമെന്ന് ഹൈന്ദവസംഘടനാ നേതാക്കളായ അഡ്വ. എച്ച്. ഗോപകുമാര്, കെ. രാകേഷ്കുമാര്, അഡ്വ. രാജഗോപാല് എന്നിവര് അറിയിച്ചു.
