കൊച്ചി: വര്ഷങ്ങള്നീണ്ട കാത്തിരിപ്പിനൊടുവില് ഇടപ്പള്ളി റെയില്വേ മേല്പ്പാലത്തിന്റെ ഉദ്ഘാടനം നാളെ നടക്കും. ദേശീയപാത 17ല് ഇടപ്പള്ളി ഭാഗത്തെ ഗതാഗതക്കുരുക്കിന് ഒരു പരിധിവരെ പരിഹാരമാകും. അമൃത ആശുപത്രിയിലേക്ക് വരുന്നവര്ക്കും ഇത് അനുഗ്രഹമാകും.
മേല്പ്പാലം തുറക്കുന്നതോടെ ദേശീയപാത 17ല് ഈ ഭാഗത്ത് കൂടെ സഞ്ചരിക്കുന്ന വാഹനങ്ങളുടെ എണ്ണം ഇന്നുള്ളതിന്റെ ഇരട്ടിയിലധികമാകും. ഇത് മനസിലാക്കി സമീപഭാഗത്തുള്ള പാതയുടെ വിപുലീകരണത്തിന് അധികൃതരുടെ ഭാഗത്ത് നിന്നും നടപടികളായിട്ടില്ല. ഇതും പ്രശ്നങ്ങള് ഉണ്ടാക്കും. കേരളത്തില് ഏറ്റവും അധികം വാഹനാപകടങ്ങള് നടക്കുന്ന മേഖലകളില് ഒന്ന് ദേശീയ പാതയില് ഇടപ്പള്ളി മുതല് മൂത്തകുന്നം വരെയുള്ള ഭാഗമാണ്. വരാപ്പുഴപാലം ഗതാഗതത്തിനായി തുറന്ന് കൊടുത്ത് 10 വര്ഷത്തിനിടയില് നൂറിലധികം പേര് ഇവിടെ അപകടങ്ങളില് മരിച്ചിട്ടുണ്ട്.
മേല്പ്പാലം നാളെ രാവിലെ പത്തിന് മുഖ്യമന്ത്രി ഉമ്മന്ചാണ്ടി ഉദ്ഘാടനം ചെയ്യും. കുന്നുംപുറത്ത് നടക്കുന്ന ഉദ്ഘാടനച്ചടങ്ങില് പൊതുമരാമത്ത് മന്ത്രി വി.കെ. ഇബ്രാഹിംകുഞ്ഞ് അധ്യക്ഷത വഹിക്കും. കേന്ദ്ര ഭക്ഷ്യ, പൊതുവിതരണ മന്ത്രി പ്രൊഫ കെ.വി. തോമസാണ് വിശിഷ്ടാതിഥി. ഫിഷറീസ്- എക്സൈസ് മന്ത്രി കെ. ബാബു, മേയര് ടോണി ചമ്മിണി, എം.പിമാരായ പി. രാജീവ്, കെ.പി. ധനപാലന്, എം.എല്.എമാരായ ബെന്നി ബഹന്നാന്, ഹൈബി ഈഡന്, വി.ഡി. സതീശന്, ടി.എ. അഹമ്മദ് കബീര്, ലൂഡി ലൂയിസ് തുടങ്ങിയവര് പ്രസംഗിക്കും.
611 മീറ്റര് നീളവും 1217.13 മീറ്റര് അപ്രോച്ച് റോഡും അടങ്ങുന്നതാണ് ഇടപ്പള്ളി റെയില്വെ മേല്പ്പാലം പദ്ധതി. 36.13 കോടി രൂപ ചെലവിലാണ് പദ്ധതി പൂര്ത്തീകരിച്ചത്. 7.5 മീറ്റര് കാര്യേജ്വേ അടക്കം 12 മീറ്ററാണ് പാലത്തിന്റെ വീതി. പൊതുമരാമത്ത് സെക്രട്ടറി മനോജ് ജോഷി, ജില്ലാ കളക്ടര് പി.ഐ. ഷെയ്ക്ക് പരീത്, കളമശ്ശേരി നഗരസഭാ ചെയര്മാന് ജമാല് മണക്കാടന്, കോര്പറേഷന് കൗണ്സിലര്മാരായ എം.പി. മഹേഷ്കുമാര്, വി.എന്. സരോജിനി, രാഷ്ട്രീയപാര്ട്ടി നേതാക്കളായ വി.ജെ. പൗലോസ്, എം.വി. ഗോവിന്ദന് മാസ്റ്റര്, എം.പി. അബ്ദുള് ഖാദര്, കെ.കെ. അഷറഫ്, വി.വി. ജോഷി, വിന്സന്റ് ജോസഫ്, എ.എന്. രാധാകൃഷ്ണന്, അഗസ്റ്റിന് കോലഞ്ചേരി, കെ.റെജികുമാര്, ടി.കെ. സുരേഷ്, ജോര്ജ് സ്റ്റീഫന്, കേരള ചേംബര് ഓഫ് കൊമേഴ്സ് ആന്റ് ഇന്ഡസ്ട്രീസ് പ്രസിഡന്റ് കെ.എന്. മര്സൂക്ക്, ദേശീയപാത സൂപ്രണ്ടിംഗ് എഞ്ചിനീയര് എസ്. മോഹനന് എന്നിവര് ഉദ്ഘാടനച്ചടങ്ങില് പങ്കെടുക്കും.
