തൃശൂര്‍: ചാലക്കുടി പോട്ടയില്‍ വീട്ടില്‍ കയറി ആക്രമണം നടത്തിയാളെ പോലീസ് പിടികൂടി. നിരവധി ക്രിമിനല്‍ കേസുകളിലെ പ്രതിയായ പോട്ട അലവി സെന്റര്‍ കാരക്കാട്ട് വീട്ടില്‍ സുഹാസിനെ (32)യാണ് പോലീസ് പിടികൂടിയത്.
കഴിഞ്ഞ രണ്ടിനാണ് കേസിനാസ്പദമായ സംഭവം. തനിക്ക് പണം നല്‍കാനുണ്ടെന്നും പറഞ്ഞാണ് സുഹാസ് ആക്രമണം നടത്തിയ വീട്ടിലെത്തിയത്. എന്നാല്‍ വീട്ടുടമയുടെ മകന്‍ സ്ഥലത്തില്ലായിരുന്നു. ഇതും പറഞ്ഞ് വീട്ടുടമ ഇയാളെ മടക്കി അയക്കാന്‍ ശ്രമിച്ചപ്പോള്‍ കുപിതനായ ഇയാള്‍ വീട്ടില്‍ അതിക്രമിച്ച് കയറി ആക്രമണം നടത്തുകയായിരുന്നു. ഉടന്‍ തന്നെ പോലീസിനെ വിവരമറിയിച്ചെങ്കിലും പോലീസെത്തുന്നതിന് മുന്‍പ് സുഹാസ് രക്ഷപ്പെട്ടിരുന്നു. തുടര്‍ന്ന് ഇയാള്‍ ഒളിവില്‍ പോയങ്കിലും ഇയാളെ പോലീസ് പിടികൂടുകയായിരുന്നു.
പിടിയിലായ സുഹാസ് ആളുകളെ മാരകായുധങ്ങള്‍ ഉപയോഗിച്ച് വധിക്കാന്‍ ശ്രമിച്ച കേസുകളടക്കം നിരവധി ക്രിമിനല്‍ കേസുകളില്‍ പ്രതിയാണ്. ഇടക്കാലം കൊണ്ട് ചാലക്കുടി വിട്ട് ആമ്പല്ലൂരില്‍ താമസമാക്കിയെങ്കിലും ക്രിമിനല്‍ സ്വഭാവം മൂലം അവിടെ തങ്ങാനാകാത്ത സ്ഥിതിയായതോടെ വീണ്ടും പോട്ടയിലേക്ക് മടങ്ങിവരികയായിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക: