പത്തനംതിട്ട :കൊറോണ ചികിത്സാകേന്ദ്രത്തില്‍ നിന്നും സിപിഎം നേതാക്കള്‍ ഉപകരണങ്ങള്‍ കടത്തിയതായി പരാതി. തിരുവല്ല ഇരവിപേരൂര്‍ ഫസ്റ്റ്്‌ലൈന്‍ ട്രീറ്റ്‌മെന്റ് സെന്ററില്‍ നിന്നുള്ള ഉപകരണങ്ങള്‍ പഞ്ചായത്ത് വൈസ് പ്രസിഡന്റും മറ്റ് പ്രവര്‍ത്തകരും ചേര്‍ന്ന് മോഷ്ടിച്ചതായാണ് പരാതി.
ഇരവിപേരൂര്‍ പഞ്ചായത്ത് ഏറ്റെടുത്ത കോട്ടയ്‌ക്കാട് മെഡി കെയര്‍ ആശുപത്രിയില്‍ നിന്ന് ഉടമയുടെ അനുമതി ഇല്ലാതെ ആശുപത്രി ഉപകരണങ്ങള്‍ മോഷണം നടത്തി കടത്തിയെന്നാണ് പരാതി. മോഷണം സംബന്ധിച്ച് തിരുവല്ല സിഐയ്‌ക്ക് ആശുപത്രി ഉടമ തോമസ് മാത്യു കോട്ടയ്‌ക്കാട്ട് പരാതി നല്‍കിയിരുന്നു. കോടതിയുടെ നിര്‍ദ്ദേശത്തെ തുടര്‍ന്ന് തിരുവല്ല പോലീസ് വിഷയത്തില്‍ കേസെടുത്ത് അന്വേഷണം ആരംഭിച്ചു.
കിടക്കകളും, ദിവാന്‍ കോട്ടുകുളും മേശകളും ആശുപത്രി അനുബന്ധ ഉപകരണങ്ങളുമാണ് ആശുപത്രി വാര്‍ഡിന്റേയും സ്റ്റോര്‍ റൂമിന്റെയും വാതില്‍ പൊളിച്ച് രാജീവിന്റെ നേതൃത്വത്തിലുള്ള സംഘം കഴിഞ്ഞ മാസം 19നാണ കടത്തിക്കൊണ്ട് പോയത്. കൊറോണ സെന്ററിന്റെ ചുമതലയുള്ള ഡോ ശ്രീകാന്ത്, പഞ്ചായത്ത് സെക്രട്ടറി ഉള്‍പ്പെടെ കണ്ടാല്‍ അറിയാവുന്ന ആളുകള്‍ക്ക് എതിരെയാണ് കേസ് രജിസ്റ്റര്‍ ചെയ്തത്.
പ്രതികരിക്കാൻ ഇവിടെ എഴുതുക: