ന്യൂഡൽഹി : ഗ്യാനേഷ് കുമാറിനെ രാജി വയ്പ്പിക്കാൻ ഇറങ്ങിയ പാറ്റകളെ ഇപ്പോൾ രാജ്യതലസ്ഥാനത്ത് കാണാനില്ലാത്ത അവസ്ഥയാണ് . സമാധാന ബോണ്ടിൽ ഒപ്പുവച്ചതിനുശേഷം സമരവും ഉപേക്ഷിച്ചാണ് പാറ്റകളുടെ നടപ്പ്. എന്നാൽ ഇതിനെ കുറിച്ച് ചോദിക്കുന്ന മാധ്യമങ്ങളോട് പറയുന്നതാകട്ടെ തങ്ങൾ കാരണം തെരഞ്ഞെടുപ്പ് കമ്മീഷൻ പ്രവർത്തനം പോലും ആകെ മാറ്റിയെന്നാണ്. മുതിർന്ന പത്രപ്രവർത്തകൻ അജിത് അഞ്ജുമിന് നൽകിയ അഭിമുഖത്തിൽ സിജെപി വക്താവ് അശുതോഷ് റാങ്കയാണ് ഈ അവകാശവാദം ഉന്നയിച്ചത്.
“ഞങ്ങൾ നിരന്തരം സമരരംഗത്തുണ്ട്. ഞങ്ങൾ ഒട്ടും പിന്മാറിയിട്ടില്ല. കഴിഞ്ഞ ദിവസം ഞാൻ ഹരിയാനയിൽ പര്യടനത്തിലായിരുന്നു. സൗരവ് ഡൽഹിയിൽ പര്യടനം നടത്തുകയും ഉത്തർപ്രദേശിലെ സ്കൂൾ സന്ദർശിക്കുകയും ചെയ്തു. ദീപക് കൊച്ചി വഴിയാണ് എത്തിയത്. ഞങ്ങൾ ഒരേ സമയം രണ്ടോ മൂന്നോ കാര്യങ്ങളിൽ ശ്രദ്ധ കേന്ദ്രീകരിക്കുന്നു. എസ്ഐആർ പ്രശ്നവും തുടരുകയാണ്. വോട്ടർ പട്ടികയിൽ നിന്ന് പേരുകൾ നീക്കം ചെയ്ത ആളുകളുമായി ഞങ്ങൾ കൂടിക്കാഴ്ച നടത്തുന്നുണ്ട്.
ഒരു ആന്തരിക സംഘടന കെട്ടിപ്പടുക്കുന്നതിലാണ് ഞങ്ങൾ ശ്രദ്ധ കേന്ദ്രീകരിക്കുന്നത്. നമുക്ക് അതിജീവിക്കണമെങ്കിൽ, നമ്മൾ സംഘടിതമായി പ്രവർത്തിക്കേണ്ടതുണ്ട്. ഇപ്പോൾ ബോണ്ട് ഉള്ളതുകൊണ്ട് നമ്മൾ വളരെയധികം ശ്രദ്ധയോടെയാണ് പ്രവർത്തിക്കുന്നത്.ഞങ്ങൾ കാരണമാണ് തിരഞ്ഞെടുപ്പ് കമ്മീഷന്റെ പ്രവർത്തനം മാറിയത്. എസ്ഐയിൽ നിന്ന് തെറ്റായി പേരുകൾ നീക്കം ചെയ്തവർക്കായി രാജ്യത്തുടനീളം തിരഞ്ഞെടുപ്പ് കമ്മീഷൻ റീ-എൻറോൾമെന്റ് ക്യാമ്പുകൾ ആരംഭിച്ചു.
ഒരു മാസത്തിനുള്ളിൽ തിരഞ്ഞെടുപ്പ് കമ്മീഷന്റെ പ്രവർത്തനത്തിൽ നിരവധി പ്രധാന മാറ്റങ്ങൾ നിങ്ങൾക്ക് കാണാൻ കഴിയും, സിജെപി ഇടപെട്ടതുകൊണ്ടാണിതെന്നാണ് റാങ്കയുടെ കണ്ടുപിടുത്തം.


















