കൊച്ചി: ജനശതാബ്ദി എക്സ്പ്രസ്സില് നിന്ന് ടിടിഇയെ തള്ളിയിട്ടു കൊല്ലാൻ ശ്രമം. എറണാകുളം സൗത്ത് റെയില്വെ സ്റ്റേഷനില് വെച്ചാണ് സംഭവം.രണ്ടുപേരെ കസ്റ്റഡിയിലെടുത്തു. ആലപ്പുഴ സ്വദേശികളായ ബാബു കെ ഡി, ശ്രീരാജ് എന്നിവരെയാണ് ആര്പിഎഫ് കസ്റ്റഡിയില് എടുത്തത്.
പരിശോധനയ്ക്കിടെ ടിക്കറ്റ് ചോദിച്ചതാണ് പ്രകോപനമായതെന്നാണ് ടിടിഇ പറയുന്നത്. എന്നാൽ തർക്കത്തിന്റെ കാരണം പുറത്ത് വന്നിട്ടില്ല. വാതിലില് തൂങ്ങി നിന്നാണ് ടിടിഇ രക്ഷപ്പെട്ടത്. തൂങ്ങിക്കിടക്കുന്നത് കണ്ട ട്രെയിന് മാനേജര് എമര്ജന്സി ബ്രേക്ക് ഉപയോഗിച്ച് ട്രെയിന് നിര്ത്തിയതോടെയാണ് വലിയ അപകടം ഒഴിവായത്.


















