ന്യൂദല്ഹി: ബ്രിക്സ് ഉച്ചകോടിക്കിടെ, പശ്ചിമേഷ്യന് സംഘര്ഷത്തില് രണ്ടു വിഭാഗങ്ങളില് നിലകൊള്ളുന്ന ഇറാനും യുഎഇയും തമ്മില് ഉഭയ കക്ഷി ചര്ച്ച നടന്നതിനെയും അതിന് വഴിയൊരുക്കിയ, ബ്രിക്സ് അധ്യക്ഷനായ ഭാരതത്തെയും അഭിനന്ദിച്ച് ഐക്യരാഷ്ട്ര സഭ.
ചര്ച്ച നിര്ണായകമാണെന്ന് വിലയിരുത്തിയ യുഎന് സെക്രട്ടറി ജനറലിന്റെ വക്താവ് സ്റ്റെഫാനെ ഡുജാറിക്, സംഘര്ഷത്തിലുള്പ്പെട്ടവര്ക്കിടയില് പാലമായി മാറാന് ഭാരതത്തിന് കഴിയുമെന്നും പറഞ്ഞു. ഇറാന് പ്രസിഡന്റ് ഡോ. മസൂദ് പെഷസ്കിയാനും യുഎഇ രാജകുമാരന് ഷെയ്ഖ് ഖാലീദ് ബിന് മുഹമ്മദ് ബിന് സെയ്ദ് അല് നഹ്യാനും തമ്മിലാണ് ഉച്ചകോടിക്കിടെ ചര്ച്ച നടന്നത്.
സംഘര്ഷത്തിന്റെ ഒരു വശത്ത് ഇറാനാണ്. മറുവശത്തുള്ള ഇസ്രായേലിനും യുഎസിനും ഒപ്പമാണ് യുഎഇ. അവര് കൂടിക്കണ്ടു എന്നത് പ്രധാനമാണ്. ഈ സാഹചര്യത്തില് സംഘര്ഷം അവസാനിപ്പിക്കാനുള്ള പാലമായി വര്ത്തിക്കാനും ഭാരതത്തിന് കഴിയുമെന്ന് അദ്ദേഹം പറഞ്ഞു.
