ന്യൂദല്ഹി: പശ്ചിമേഷ്യന് സംഘര്ഷം ചര്ച്ചയിലൂടെ പരിഹരിക്കണമെന്ന് ഇറാന് പ്രസിഡന്റ് മസൂദ് പെഷേഷ്കിയനോട് പ്രധാനമന്ത്രി നരേന്ദ്ര മോദി ആവശ്യപ്പെട്ടു. കപ്പല് ഗതാഗതത്തിന് ആവശ്യമായ സ്വാതന്ത്ര്യവും നാവികരുടെ സുരക്ഷയും ഉറപ്പാക്കാന് തുടര്ച്ചയായ ശ്രമങ്ങള് വേണമെന്നും അദ്ദേഹം പറഞ്ഞു. 2024 ല് പ്രസിഡന്റായതിനുശേഷം പെഷേഷ്കിയന് ഇന്ത്യയിലേക്കുള്ള ആദ്യ സന്ദര്ശനമാണിത്.
പശ്ചിമേഷ്യയിലെ സമീപകാല സംഭവവികാസങ്ങളെക്കുറിച്ച് ഇരു നേതാക്കളും സംസാരിച്ചു. എല്ലാ പ്രശ്നങ്ങളും സംഭാഷണത്തിലൂടെയും നയതന്ത്രത്തിലൂടെയും പരിഹരിക്കണമെന്ന ഇന്ത്യയുടെ സ്ഥിരമായ നിലപാട് മോദി ആവര്ത്തിച്ചതായി വിദേശകാര്യ മന്ത്രാലയം പത്ര കുറിപ്പില് പറഞ്ഞു.
ആഗസ്റ്റ് 31 ന് ബിഷ്കെക്കില് നടന്ന ഷാങ്ഹായ് സഹകരണ സംഘടനാ ഉച്ചകോടിക്കിടെ മോദിയും പെഷേഷ്കിയാനും ചര്ച്ചകള് നടത്തിയിരുന്നു. ഇത് രണ്ടാം തവണയാണ് ഇരുവരും കൂടിക്കാഴ്ച നടത്തുന്നത്.
