യോഗ്യത- എസ്എസ്എല്സി/ തത്തുല്യം, പ്രായം 18-40 വയസ്
അപേക്ഷ ഓണ്ലൈനില് സപ്തംബര് 21 നകം
വിജ്ഞാപനം https://indiapost.gov.in/gdsonlineengaement- ല്
കേന്ദ്ര തപാല് വകുപ്പിന് കീഴില് കേരള സര്ക്കിളില്പ്പെടുന്ന തപാല് ഓഫീസുകളിലേക്ക് ബ്രാഞ്ച് പോസ്റ്റ് മാസ്റ്റര് (ബിപിഎം), അസിസ്റ്റന്റ് ബ്രാഞ്ച് പോസ്റ്റ് മാസ്റ്റര് (എബിപിഎം)/ഡാക്ക് സേവക് തസ്തികകളില് നിയമനത്തിന് സപ്തംബര് 21 നകം ഓണ്ലൈനില് അപേക്ഷിക്കാം.
മാത്തമാറ്റിക്സ്, ഇംഗ്ലീഷ് വിഷയങ്ങളോടെ എസ്എസ്എല്സി/തത്തുല്യ ബോര്ഡ് പരീക്ഷ വിജയിച്ചവര്ക്കാണ് അവസരം. പ്രാദേശിക ഭാഷയായ മലയാളം പത്താം ക്ലാസ് വരെയെങ്കിലും പഠിച്ചിരിക്കണം. കമ്പ്യൂട്ടര് പരിജ്ഞാനം വേണം.
സൈക്കിള് സവാരി അറിയണം. പ്രായപരിധി 18-40 വയസ്. എസ്സി/എസ്ടി വിഭാഗങ്ങള്ക്ക് 5 വര്ഷവും ഒബിസികാര്ക്ക് 3 വര്ഷവും ഭിന്നശേഷിക്കാര്ക്ക് 10 വര്ഷവും ഉയര്ന്ന പ്രായപരിധിയില് ഇളവുണ്ട്. അത്യാവശ്യം ജീവിക്കാനുള്ള സാമ്പത്തികമുണ്ടായിരിക്കണം. യോഗ്യതാപരീക്ഷക്ക് ലഭിച്ച മാര്ക്ക്/ഗ്രേഡ് അടിസ്ഥാനത്തില് മെരിറ്റ് ലിസ്റ്റ് തയ്യാറാക്കിയാണ് നിയമനം. വിശദവിവരങ്ങളടങ്ങിയ ഔദ്യോഗിക വിജ്ഞാപനം https://indiapost.gov.in/gdsonlineengaement ല് ലഭ്യമാണ്.
യോഗ്യരായ ഉദ്യോഗാര്ത്ഥികള്ക്ക് ഒറ്റതവണ രജിസ്റ്റര് ചെയ്ത് നിര്ദ്ദേശാനുസരണം അപേക്ഷിക്കേണ്ടതാണ്. അപേക്ഷാ ഫീസ് 100 രൂപ. വനിതകള്ക്കും എസ്സി/എസ്ടി/ഭിന്നശേഷി/ട്രാന്സ്വുമന് വിഭാഗങ്ങളില്പ്പെടുന്നവര്ക്ക് ഫീസില്ല. ക്രഡിറ്റ്/ഡബിറ്റ് കാര്ഡ്, നെറ്റ് ബാങ്കിങ്, യുപിഐ സൗകര്യം ഉപയോഗിച്ച് ഫീസ് അടയ്ക്കാം. ഒരാള്ക്ക് ഏതെങ്കിലും ഒരു ഡിവിഷനിലേക്ക് മാത്രമാണ് അപേക്ഷിക്കാവുന്നത്. ഒറ്റ അപേക്ഷ നല്കിയാല് മതി.
കേരള സര്ക്കിളിന് കീഴില് വിവിധ തപാല് ഓഫീസുകളിലായി 1373 ഒഴിവുകളാണുള്ളത്. (സംവരണം ചെയ്യാത്ത ഒഴിവുകള് 753, ഒബിസി 343, പട്ടികജാതി 111, പട്ടികവര്ഗം 5, ഇഡബ്ല്യുഎസ് 114, ഭിന്നശേഷിക്കാര് 47).
ശമ്പളം- ബ്രാഞ്ച് പോസ്റ്റ് മാസ്റ്റര്ക്ക് 12,000-29380 രൂപ, അസിസ്റ്റന്റ് ബ്രാഞ്ച് പോസ്റ്റ്മാസ്റ്റര്ക്ക്/ഡാക്ക് സേവകന് 10,000- 24,470 രൂപ. ശമ്പളത്തില് മൂന്ന് ശതമാനം വാര്ഷിക വര്ധനവും ടിആര്സിഎ-ഡിഎ, ജിഡിഎസ്, ഗ്രാറ്റുവിറ്റി മുതലായ സാമൂഹ്യ സുരക്ഷാ ആനുകൂല്യങ്ങളും ലഭിക്കും.
സര്ക്കിള്/ഡിവിഷന് തലത്തിലുള്ള ഒഴിവുകളും സേവന-വേതന വ്യവസ്ഥകളും വിജ്ഞാപനത്തിലുണ്ട്.
