ന്യൂദല്‍ഹി: പകര്‍പ്പവകാശ കേസില്‍ സംഗീതസംവിധായകന്‍ ഇളയരാജയ്‌ക്കെതിരെ കോടതിയലക്ഷ്യ നടപടി ആവശ്യപ്പെട്ട് സരേഗമ ഇന്ത്യ ദല്‍ഹി ഹൈക്കോടതിയെ സമീപിച്ചു. ഇളയരാജയെ ജയിലില്‍ അടയ്‌ക്കാനും, അദ്ദേഹത്തിന്റെ സ്വത്തുക്കള്‍ കണ്ടുകെട്ടി കൈമാറാനും റിസീവറെ നിയമിക്കണമെന്നും സരേഗമ ഹര്‍ജിയില്‍ ആവശ്യപ്പെട്ടു.
ഹര്‍ജിയില്‍ ഇളയരാജയ്‌ക്ക് കോടതി നോട്ടീസ് അയച്ചു.
ഫെബ്രുവരി 13 ന് , പാട്ടുകള്‍ ഉപയോഗിക്കുന്നതില്‍ നിന്നും ലൈസന്‍സുകള്‍ നല്‍കുന്നതില്‍ നിന്നും ഇളയരാജയെ വിലക്കി ഹൈക്കോടതി ഇടക്കാല ഉത്തരവ് പുറപ്പെടുവിച്ചിരുന്നു.
മുരട്ടുകാലൈ എന്ന തമിഴ് ചിത്രത്തിലെ പൊതുവാഗ ഇമ്മനസു തങ്കം എന്ന ഗാനവുമായി ബന്ധപ്പെട്ടതാണ് ഇപ്പോള്‍ ഹര്‍ജിക്ക് ആധാരമായ കേസ്.
സ്പോട്ടിഫൈ, യൂട്യൂബ് ഉള്‍പ്പെടെയുള്ള പ്ലാറ്റ്ഫോമുകളില്‍ ഈ പാട്ടുകള്‍ തുടര്‍ന്നും ലഭ്യമാണ്. പാട്ടുകളുടെ ഉടമസ്ഥാവകാശം തനിക്കാണെന്ന് അവകാശപ്പെട്ട് ബിയോണ്ട് പിക്‌ചേഴ്‌സിന് നോട്ടീസ് നല്‍കിയതു വഴി ഇളയരാജ കോടതി വിലക്ക് പരസ്യമായി ലംഘിച്ചുവെന്ന് സരേഗമ ചൂണ്ടിക്കാട്ടി.
ഇളയരാജയെ ജയിലിലടയ്ക്കണം, സ്വത്ത് കണ്ടുകെട്ടണം: ആവശ്യവുമായി സരേഗമ ഹൈക്കോടതിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.