ഹൈദരാബാദ്: എന്തൊക്കെ സംഭവിച്ചാലും തന്റെ ജീവിതം എന്നും തൃപ്തികരവും ആവേശകരവുമായിരുന്നുവെന്ന് നടന് വിജയ് ദേവരകൊണ്ട. 2026-ലെ ഏറ്റവും ആവേശം നിറഞ്ഞ നിമിഷം ഏതായിരുന്നു എന്ന അവതാരകന്റെ ചോദ്യത്തിന് മറുപടിയായാണ് ഇക്കാര്യം പറഞ്ഞത്.സംവിധായകൻ സന്ദീപ് റെഡ്ഡി വംഗയുടെ സഹോദരൻ പ്രണയ് റെഡ്ഡി വംഗ നിർമ്മിക്കുന്ന ‘രോമാഞ്ചകം’ എന്ന ചിത്രത്തിന്റെ പ്രൊമോഷൻ ചടങ്ങില് സംസാരിക്കുകയായിരുന്നു താരം.
“1989-ലാണ് ഞാൻ ജനിച്ചത്, അതിനുശേഷമുള്ള ഓരോ വർഷവും ആവേശഭരിതമായിരുന്നു. കയ്യില് പണമുണ്ടെങ്കിലും ഇല്ലെങ്കിലും ബ്ലെൻഡേഴ്സ് പ്രൈഡും ഗ്ലെൻഫിഡിചും കുടിക്കുമായിരുന്നു. എന്നാല് ഞാൻ മദ്യപാനം പൂർണമായി ഉപേക്ഷിച്ചു,” – അദ്ദേഹം പറഞ്ഞു.
“ഞാൻ പ്രണയത്തിലായി, ഹൃദയം തകർന്നു, ഒടുവില് വിവാഹിതനുമായി. എന്തൊക്കെ സംഭവിച്ചാലും എന്റെ ജീവിതം എന്നും തൃപ്തികരവും ആവേശകരവുമായിരുന്നു” വിജയ് കൂട്ടിച്ചേർത്തു.
2026 ജനുവരിയിലായിരുന്നു വിജയിന്റെയും രശ്മികയുടെയും വിവാഹം.
