ഹൈദരാബാദ്: തെലുഗില്‍ രചിക്കപ്പെട്ട രാമായണത്തിന്റെ രണ്ട് തരം വ്യാഖ്യാനകഥകളില്‍ രാമായണത്തില്‍ ഒരു കഥാപാത്രം 14 വര്‍ഷം ഉറങ്ങിയതായി പറയുന്നു. അത് ആരാണെന്നറിയാമോ?
ആ കഥ ഇങ്ങിനെയാണ്. രാമനെയും സീതയെയും കാട്ടില്‍ അനുഗമിക്കുന്ന ലക്ഷ്മണൻ അവരെ രാപ്പകല്‍ ഉപദ്രവങ്ങളിൽ നിന്ന് സംരക്ഷിക്കാൻ ആഗ്രഹിച്ചു. ഇതിന് ഉറങ്ങാതെ സദാ ജാഗ്രതയോടെ ഇവരെ പരിരക്ഷിക്കേണ്ടതുണ്ട്.
അതിനാൽ ലക്ഷ്മണന് നിദ്രാദേവതയോട് പ്രാർത്ഥിക്കുകയും പതിനാലു വർഷം തനിക്ക് ഉറക്കമില്ലാതെ കഴിയാൻ കഴിയാനുള്ള വരം തരാന്‍ ആവശ്യപ്പെടുകയും ചെയ്യുന്നു. 14 വര്‍ഷമാണ് വനവാസം എന്നതിനാല്‍ ഈ 14 വര്‍ഷവും ഉറങ്ങാതെ കഴിഞ്ഞാലേ ലക്ഷ്മണന് രാമനെയും സീതയെയും രക്ഷിക്കാന്‍ സാധിക്കൂ. നിദ്രാദേവി പറഞ്ഞത് മറ്റൊരാള്‍ 14 വര്‍ഷം ഉറങ്ങാന്‍ തയ്യാറായാല്‍ ലക്ഷ്മണന് ഉറങ്ങാതെ 14 വര്‍ഷം കഴിയാനുള്ള വരം നല്‍കാമെന്നാണ്. അങ്ങിനെ ലക്ഷ്മണന്റെ ഭാര്യയായ ഊര്‍മ്മിളാ ദേവി 14 വര്‍ഷം തുടര്‍ച്ചയായി ഉറങ്ങാനുള്ള ചുമതല ഏറ്റെടുക്കുന്നു. ഊര്‍മ്മിള കൊട്ടാരത്തില്‍ 14 വര്‍ഷം ഉറങ്ങിയപ്പോള്‍, ലക്ഷ്മണൻ കാട്ടില്‍ പതിനാലു വർഷം ഉണർന്നിരുന്നു.
രാവണനെ പരാജയപ്പെടുത്തിയ ശേഷം, രാമൻ ഭാര്യയെയും സഹോദരൻ ലക്ഷ്മണനെയും കൂട്ടി അയോധ്യയിലേക്ക് മടങ്ങുന്നു. പിന്നീട്, എല്ലാ ദേവന്മാരുടെയും മുനിമാരുടെയും മറ്റുള്ളവരുടെയും സാന്നിധ്യത്തിൽ രാമനെ കിരീടധാരണം ചെയ്തു. ആ കിരീടധാരണ സമയത്ത്, ലക്ഷ്മണൻ ഒരു ഘട്ടത്തിൽ ചിരിക്കാന്‍ തുടങ്ങി. കിരീടധാരണസമയത്ത് ലക്ഷ്മണന് ചിരിക്കാന്‍ തുടങ്ങിയത് തന്നെ അപമാനിക്കുന്നതിന് തുല്യമാണെന്ന് പറഞ്ഞ് രാമന് വാളെടുത്തു. അപ്പോള്‍ ലക്ഷ്മണന് തനിക്ക് ചിരി വന്ന കാരണം വിശദീകരിച്ചു. കൊട്ടാരത്തില്‍ എത്തിയപ്പോള്‍ നിദ്രാദേവത തന്റെ പക്കല്‍ വന്ന് ഉറങ്ങൂ എന്ന് പറഞ്ഞപ്പോഴാണ് തനിക്ക് ചിരി വന്നതെന്ന് ലക്ഷ്മണന് പറഞ്ഞു. താന്‍ ജ്യേഷ്ഠനും ഭാര്യയ്‌ക്കും വേണ്ടി 14 വര്‍ഷം ഉറങ്ങാതിരുന്ന കാര്യവും ലക്ഷ്മണന് വിശദീകരിച്ചപ്പോള്‍ രാമന് വേദനിച്ചു. രാമായണയുദ്ധം ജയിച്ച് രാമന്റെ കിരീടാഭിഷേകവും കഴിഞ്ഞ ശേഷമാണ് ലക്ഷ്മണന് ഉറങ്ങാന്‍ തുടങ്ങിയത്. മാത്രമല്ല, 14 വര്‍ഷം ഉറങ്ങാത്ത ഒരാള്‍ക്ക് മാത്രമേ ഇന്ദ്രജിത്തിനെ വധിക്കാന്‍ കഴിയൂ എന്ന വരമുണ്ട്. അതുകൊണ്ടാണ് ലക്ഷ്മണന് ഇന്ദ്രജിത്ത് എന്ന ക്രൂരനെ വധിക്കാന്‍ സാധിച്ചത്.
