ന്യൂദല്ഹി: ജന്മഭൂമി സംഘടിപ്പിക്കുന്ന ‘വണ് എപിക്, മെനി സ്റ്റോറീസ്: രാമകഥ എക്രോസ് ഭാരത് ആന്ഡ് ബിയോണ്ഡ്’ ത്രിദിന ദേശീയ കോണ്ക്ലേവില് ചിന്മയ ഇന്റര്നാഷണല് ഫൗണ്ടേഷന് ശോധ സന്സ്ഥാനും അക്കാദമിക് പങ്കാളി. വേദപഠനത്തിന്റെയും ഗവേഷണത്തിന്റെയും കേന്ദ്രമായ ചിന്മയ ഇന്റര്നാഷണല് ഫൗണ്ടേഷന് ശോധ സന്സ്ഥാന്, ലോകത്തെ വിവിധ ഭാഗങ്ങളിലുള്ള പണ്ഡിതര്ക്കിടെ അക്കാദമിക സഹകരണം പ്രോത്സാഹിപ്പിക്കുന്നതിനും വേദങ്ങളിലെ പുരാതന പദപ്രയോഗങ്ങളും സങ്കല്പങ്ങളും ആധുനിക ജീവിത സന്ദര്ഭങ്ങളുമായി ബന്ധപ്പെടുത്തി പഠിക്കുന്നതിനുമുള്ള സ്ഥാപനമാണ്. ശോധ സന്സ്ഥാന് പങ്കാളിത്തം രാമകഥയുടെ ആഴത്തിലുള്ള പഠനത്തിനും വിവിധ തലങ്ങളിലുള്ള അറിവിന്റെ കൈമാറ്റത്തിനും കോണ്ക്ലേവില് വഴിയൊരുക്കും.
സപ്തംബര് 18 മുതല് 20 വരെ എറണാകുളം ഭാസ്കരീയം കണ്വെന്ഷന് സെന്ററിലാണ് ദേശീയ കോണ്ക്ലേവ്. 18നു പ്രതിരോധ മന്ത്രി രാജ്നാഥ് സിങ് ഉദ്ഘാടനം ചെയ്യും. രാമകഥയുടെ ഭാരതീയവും ആഗോളവുമായ വൈവിധ്യമാര്ന്ന പാരമ്പര്യങ്ങളും ആവിഷ്കാരങ്ങളും ചര്ച്ച ചെയ്യുന്ന കോണ്ക്ലേവില് രാജ്യത്തിന്റെ വിവിധ ഭാഗങ്ങളില് നിന്നുള്ള കലാകാരന്മാര്, ഗവേഷകര്, അക്കാദമിക് വിദഗ്ധര്, പണ്ഡിതര് തുടങ്ങിയവര് പങ്കെടുക്കും.
കോണ്ക്ലേവ് ഭാഗമായുള്ള വിവിധ പരിപാടികളിലേക്കുള്ള ഡെലിഗേറ്റ് രജിസ്ട്രേഷന്, പ്രബന്ധാവതരണത്തിനുള്ള ക്ഷണം, വിവിധ മത്സര-സംവാദ പരിപാടികളിലേക്കുള്ള രജിസ്ട്രേഷന് എന്നിവ ജന്മഭൂമി ഔദ്യോഗിക വെബ്സൈറ്റ് ംംം.ഷമിാമയവൗാശ.ശി ആരംഭിച്ചു.
