കൊച്ചി: നഖങ്ങള് വളര്ന്നുനില്ക്കുന്ന കോഴിയുടെ മഞ്ഞനിറത്തിലുള്ള പാദങ്ങള് മലയാളിക്ക് അരോചകമായ സംഗതിയാണ്. മലയാളി ഇത് വീട്ടിലെ പട്ടികള്ക്ക് കൊടുക്കാന് മാത്രമാണ് ഉപയോഗിക്കുക. പക്ഷെ കോഴിക്കാലുകളുടെ പോഷകസമൃദ്ധിെക്കുറിച്ച് അറിഞ്ഞാല് അന്തം വിട്ടുപോകും. അതുകൊണ്ടാകാം ചൈനക്കാരുടെ നിത്യാഹാരമാണ്. കോഴിയുടെ പാദങ്ങള്. ചൈനയിലെ റസ്റ്റോറന്റുകളില് ഫീനിക്സ് ക്ലോസ് എന്ന പേരിലാണ് കോഴിയുടെ പാദങ്ങള് വില്ക്കുന്നത്.
ചൈനയില് ഇത് ശതകോടികളുടെ ബിസിനസാണ് കോഴിയുടെ പാദങ്ങളുടെ വില്പന ശതകോടികളുടേതാണ്. കാരണം ചൈനക്കാരുടെ ഇഷ്ട സ്നാക്സ് ആണ് കോഴിയുടെ പാദങ്ങള് ഫ്രൈ ചെയ്തുണ്ടാക്കുന്ന ആഹാരം. ഇതല്ലാതെയും മറ്റ് പല കടികളും അവര് കോഴിയുടെ പാദങ്ങള് ഉപയോഗിച്ച് ഉണ്ടാക്കുന്നു. കോഴിയുടെ പാദങ്ങള് ചൈന ശതകോടികള് ചെലവഴിച്ചാണ് ഇറക്കുമതി ചെയ്യുന്നത്.
കരീബിയന് രാജ്യങ്ങളിലെ കറുത്ത വര്ഗ്ഗക്കാര് കോഴിയുടെ പാദങ്ങള് തിളപ്പിച്ച് സൂപ്പാക്കി കുടിക്കും. ഇത് വളരെ ചെലവ് കുറഞ്ഞതാണെങ്കിലും ശരീരത്തിന് ഗുണകരമാണ്.
എല്ലുകള്ക്കും തരുണാസ്ഥികള്ക്കും ടെന്ഡനുകള്ക്കും ചര്മ്മത്തിനും ആരോഗ്യം പകരുന്ന കൊളാജന് കോഴിയുടെ പാദങ്ങളില് സമൃദ്ധമാണ്. വെള്ളത്തിൽ കുറച്ചധികനേരം വേവിക്കുമ്പോൾ കൊളാജൻ ഭാഗികമായി ജെലാറ്റിനായി മാറും. ജെലാറ്റിന് ഗ്ലൈസിൻ ഉൾപ്പെടെയുള്ള അമിനോ ആസിഡുകളാല് സമൃദ്ധമാണ്. അതിനാൽ സമീകൃതമായ ഭക്ഷണത്തിന്റെ ഭാഗമായി ഇവ കഴിക്കുന്നത് പ്രോട്ടീൻ ഉൾപ്പെടെയുള്ള ചില പോഷകങ്ങൾ ലഭിക്കാൻ സഹായിക്കും.
ഏഷ്യ, ആഫിക്ക, കരീബിയന് രാജ്യങ്ങളില് സൂപ്പുകളായും സ്റ്റ്യൂകളായും ബ്രാത്തുകളായും കോഴിയുടെ പാദം (Chicken feet) ഉപയോഗിക്കുന്നു. എങ്ങിനെയൊക്കെയാണ് കോഴിയുടെ പാദങ്ങള് പ്രയോജനപ്പെടുക എന്നത് വിവരിക്കാം.
ചർമ്മത്തിന്റെ ആരോഗ്യം: ചർമ്മത്തിന് ഇലാസ്തികത നൽകാനും ചുളിവുകൾ വീഴുന്നത് തടയാനും കൊളാജൻ സഹായിക്കുന്നു.
സന്ധികളുടെ സംരക്ഷണം: സന്ധികളിലെ തേയ്മാനം കുറയ്ക്കാനും കാൽമുട്ട് വേദന അകറ്റാനും ഇത് വളരെ നല്ലതാണ്.
അസ്ഥികളുടെ ബലം: ഇതിൽ കാൽസ്യം, മഗ്നീഷ്യം, ഫോസ്ഫറസ് എന്നിവ ധാരാളമായി അടങ്ങിയിരിക്കുന്നു.ഇത് എല്ലുകളുടെയും പല്ലുകളുടെയും വളർച്ചയ്ക്കും ബലത്തിനും സഹായിക്കുന്നു. ഓസ്റ്റിയോപൊറോസിസ് (Osteoporosis) പോലുള്ള അസ്ഥിരോഗങ്ങൾ വരാനുള്ള സാധ്യത കുറയ്ക്കുന്നു.
രോഗപ്രതിരോധ ശേഷി : കോഴിയുടെ പാദം സൂപ്പ് വെച്ച് കഴിക്കുന്നത് ശരീരത്തിന് ആവശ്യമായ ധാതുക്കൾ വേഗത്തിൽ ആഗിരണം ചെയ്യാൻ സഹായിക്കും. ഇത് ശരീരത്തിന്റെ രോഗപ്രതിരോധ ശേഷി (Immunity) വർദ്ധിപ്പിക്കുന്നു
ഹൃദയാരോഗ്യവും രക്തോട്ടവും കൂട്ടും:ഇതിൽ അടങ്ങിയിരിക്കുന്ന ചില പ്രോട്ടീനുകൾ രക്തക്കുഴലുകളുടെ ആരോഗ്യം മെച്ചപ്പെടുത്താനും രക്തസമ്മർദ്ദം നിയന്ത്രിക്കാനും സഹായിക്കുമെന്ന് പഠനങ്ങൾ സൂചിപ്പിക്കുന്നു.
