ന്യൂദല്ഹി: ഡല്ഹി കലാപ ഗൂഢാലോചന കേസില് പ്രതിയായ അഥര് ഖാന് സമര്പ്പിച്ച ജാമ്യാപേക്ഷയില് സുപ്രീം കോടതി ദല്ഹി പോലീസിനോട് പ്രതികരണം തേടി. ജാമ്യം നിഷേധിച്ച ദല്ഹി ഹൈക്കോടതി വിധിക്കെതിരെയാണ് അഥര്ഖാന് അപ്പീല് സമര്പ്പിച്ചത്.
സഹപ്രതി ഒവൈസ് സുല്ത്താന് ഖാനില് നിന്ന് കണ്ടെടുത്ത ചാറ്റുകളും സംരക്ഷിത സാക്ഷിയായ ‘പ്ലൂട്ടോ’യുടെ മൊഴിയും ഉള്പ്പെടെ ഖാനെതിരെയുള്ള തെളിവുകള്, അക്രമത്തിലെ പ്രധാന ഗൂഢാലോചനക്കാരനെന്ന നിലയിലുള്ള പങ്കിനെ പ്രഥമദൃഷ്ട്യാ സൂചിപ്പിക്കുന്നുവെന്ന് വിലയിരുത്തിയാണ് ഹൈക്കോടതി ജാമ്യം നിഷേധിച്ചത്.
2020 ലെ വടക്കുകിഴക്കന് ദല്ഹി കലാപത്തിന് പിന്നിലെ വലിയ ഗൂഢാലോചനയുമായി ബന്ധപ്പെട്ട കേസില്, നിയമവിരുദ്ധ പ്രവര്ത്തനങ്ങള് തടയല്, യുഎപിഎ, ആയുധ നിയമം തുടങ്ങിയ വകുപ്പുകള് പ്രകാരമാണ് അഥര്ഖാനെതിരെ കുറ്റം ചുമത്തിയിരിക്കുന്നത്.
