തിരുവനന്തപുരം: ബിജെപി പട്ടികജാതി മോര്‍ച്ചയുടെ ആഭിമുഖ്യത്തില്‍ മഹാത്മാ അയ്യങ്കാളി ജയന്തി 27 മുതല്‍ സപ്തംബര്‍ 2 വരെ ആഘോഷിക്കുന്നു. 27ന് രാവിലെ 10ന് വെങ്ങാനൂരില്‍ ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖര്‍ എംഎല്‍എ ഉദ്ഘാടനം ചെയ്യും.
28ന് വെള്ളയമ്പലത്തു നടക്കുന്ന ജയന്തി സമ്മേളനം വി. മുരളീധരന്‍ എംഎല്‍എ ഉദ്ഘാടനം ചെയ്യും. കൊല്ലത്തു ബി.ബി. ഗോപകുമാര്‍ എംഎല്‍എ, കണ്ണൂരില്‍ സി. സദാനന്ദന്‍ മാസ്റ്റര്‍ എംപി, എറണാകുളം സിറ്റിയില്‍ മുന്‍ കേന്ദ്രമന്ത്രി അഡ്വ. ജോര്‍ജ് കുര്യന്‍, കോഴിക്കോട് ബിജെപി അഖിലേന്ത്യാ സെക്രട്ടറി കെ. സുരേന്ദ്രന്‍, എറണാകുളം ഈസ്റ്റില്‍ ബിജെപി സംസ്ഥാന സെക്രട്ടറി എം.ടി. രമേശ്, പത്തനംതിട്ടയില്‍ റബര്‍ ബോര്‍ഡ് ചെയര്‍മാന്‍ എന്‍. ഹരി, തൃശൂര്‍ സിറ്റിയില്‍ ബിജെപി സംസ്ഥാന വൈസ് പ്രസിഡന്റ് അഡ്വ. കെ.കെ. അനീഷ്‌കുമാര്‍, തൃശൂര്‍ നോര്‍ത്തില്‍ ബിജെപി സംസ്ഥാന സെക്രട്ടറി അഡ്വ. പന്തളം പ്രതാപന്‍, കോഴിക്കോട് സിറ്റിയില്‍ ബിജെപി സംസ്ഥാന വൈസ് പ്രസിഡന്റ് അഡ്വ. പി. സുധീര്‍, മലപ്പുറത്ത് ബിജെപി സംസ്ഥാന വൈസ് പ്രസിഡന്റ് വി. ഉണ്ണികൃഷ്ണന്‍ മാസ്റ്റര്‍, മലപ്പുറം ഈസ്റ്റില്‍ ഒബിസി മോര്‍ച്ച സംസ്ഥാന പ്രസിഡന്റ് പ്രേമന്‍ മാസ്റ്റര്‍ എന്നിവര്‍ ജില്ലാതലത്തിലുള്ള ജയന്തി സമ്മേളനങ്ങള്‍ ഉദ്ഘാടനം ചെയ്യും.
മണ്ഡലം പഞ്ചായത്ത് യൂണിറ്റ് കേന്ദ്രങ്ങളില്‍ ജയന്തി സമ്മേളനം നടക്കും. ജയന്തി സമ്മേളനം, ഘോഷയാത്ര, ഓണപ്പുടവ വിതരണം, അയ്യങ്കാളി പുരസ്‌കാര സമര്‍പ്പണം, മികവ് തെളിയിച്ചവരെ ആദരിക്കല്‍ തുടങ്ങിയവ അയ്യങ്കാളി ജയന്തി സമ്മേളനത്തിന്റെ ഭാഗമായി സംഘടിപ്പിച്ചിട്ടുണ്ടെന്ന് ബിജെപി പട്ടികജാതി മോര്‍ച്ച സംസ്ഥാന പ്രസിഡന്റ് ഷാജുമോന്‍ വട്ടേക്കാട് അറിയിച്ചു.
