തിരുവനന്തപുരം: തലസ്ഥാനത്ത് രണ്ടിടങ്ങളില് കെഎസ്ആര്ടിസി പ്രിയദര്ശിനി ബസുകള്ക്ക് നേരെ കല്ലേറുണ്ടായതില് പ്രതികളെ തെരഞ്ഞ് പൊലീസ്.കല്ലറയിലാണ് ബസിന് നേരെ ആക്രമണമുണ്ടായത്.
ബൈക്കിലെത്തിയ സംഘമാണ് ആക്രമണം നടത്തിയതെന്നാണ് സൂചന. കല്ലേറില് രണ്ട് ബസുകളുടെയും മുന്വശത്തെ ചില്ല് തകര്ന്നു.
കഴിഞ്ഞ രാത്രി പരപ്പില് ജംഗ്നില് നിര്ത്തിയിട്ടിരുന്ന ബസിനു നേരെയാണ് ആദ്യം ആക്രമണമുണ്ടായത്. ചൊവ്വാഴ്ച രാവിലെ മെഡിക്കല് കോളേജ് ഭാഗത്തേക്കുള്ള ബസിന്റെ ചില്ലും തകര്ത്തു. സംഭവത്തില് കെഎസ്ആര്ടിസി അധികൃതര് പൊലീസില് പരാതി നല്കി. പാങ്ങോട് പൊലീസ് സിസിടിവി കേന്ദ്രീകരിച്ച് അന്വേഷണം ശക്തമാക്കി.ഏകദേശം 2 ലക്ഷം രൂപയുടെ നഷ്ടമാണ് ഗ്ലാസുകള്ക്കും മുടങ്ങിയ സര്വീസിനും ഉള്പ്പടെ കണക്കാക്കിയിട്ടുളളത്. പൊലീസ് കേസെടുത്തതോടെ ബസ് ഓടാനും കഴിയാത്ത സ്ഥിതിയാണെന്ന് അധികൃതര് പറയുന്നു.
