ലഖ്നൗ: കോണ്‍ഗ്രസ് നേതാവ് രാഹുല്‍ ഗാന്ധി പെണ്‍കുട്ടികളെ ‘പ്രകോപിപ്പിക്കുന്നുവെന്ന് യോഗി ആദിത്യനാഥ്.’മനുസ്മൃതി’യെ കുറിച്ചുള്ള രാഹുല്‍ ഗാന്ധിയുടെ പരാമര്‍ശത്തിനെതിരെയാണ് ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് രംഗത്തുവന്നത്. രാഹുലിന്റെ ലോക്സഭാ മണ്ഡലമായ റായ്ബറേലിയില്‍ കോടിക്കണക്കിന് രൂപയുടെ വികസന പദ്ധതികള്‍ ഉദ്ഘാടനം ചെയ്ത ശേഷം നടന്ന പൊതുയോഗത്തില്‍ ആദിത്യനാഥ്, ‘തെറ്റായ’ വസ്തുതകള്‍ മുന്നോട്ടുവച്ചുകൊണ്ട് ഇന്ത്യന്‍ പാരമ്പര്യങ്ങളെയും സംസ്‌കാരത്തെയും തെറ്റായി പ്രതിനിധീകരിക്കുകയാണെന്ന് രാഹുലെന്ന് ആരോപിച്ചു. ‘രാഹുല്‍ ഗാന്ധി ഇക്കാലത്ത് നമ്മുടെ പെണ്‍മക്കളെ പ്രകോപിപ്പിക്കുന്നതില്‍ ഏര്‍പ്പെട്ടിരിക്കുകയാണ്. ഇന്ത്യയില്‍ നിരവധി പാരമ്പര്യങ്ങളുണ്ട്, അവ ജനങ്ങള്‍ പിന്തുടരുകയോ പിന്തുടരാതിരിക്കുകയോ ചെയ്യാം… അത് ഒരു വ്യത്യാസവും വരുത്തുന്നില്ല, പക്ഷേ ആരും തെറ്റായ വസ്തുതകള്‍ പ്രചരിപ്പിക്കരുത്’ അദ്ദേഹം പറഞ്ഞു.
മത്സ്യപുരാണം, മഹാഭാരതം തുടങ്ങിയ പുരാതന ഹിന്ദു മതഗ്രന്ഥങ്ങളില്‍ പരാമര്‍ശിച്ചിരിക്കുന്ന മനുസ്മൃതിയെ എന്തിനാണ് താഴ്‌ത്തിക്കെട്ടുന്നതെ’ന്ന് ആദിത്യനാഥ് ചോദിച്ചു.’മനുസ്മൃതി’യില്‍ പരാമര്‍ശിച്ചിരിക്കുന്ന ‘കാലഗണന’ സനാതന ധര്‍മ്മത്തിന്റെ എല്ലാ അനുയായികളും ഇന്നും പിന്തുടരുന്നുണ്ടെന്ന് അദ്ദേഹം പറഞ്ഞു, ‘മുഹൂര്‍ത്തം’ , മാസം, വര്‍ഷം തുടങ്ങി നിരവധി കണക്കുകൂട്ടലുകള്‍ അദ്ദേഹം വിവരിച്ചു. ‘ലോകത്തിലെ മറ്റൊരു പുസ്തകത്തിലും ഇത്രയും സൂക്ഷ്മമായ സമയക്രമീകരണം കാണുന്നില്ല’ യോഗി കൂട്ടിച്ചേര്‍ത്തു.
മനുസ്‌സൃതി പരാമര്‍ശം: രാഹുല്‍ഗാന്ധി പെണ്‍കുട്ടികളെ പ്രകോപിപ്പിക്കുന്നുവെന്ന് യോഗി ആദിത്യനാഥ്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.