മട്ടാഞ്ചേരി: രക്ഷാബന്ധന് മഹോത്സവം ആരംഭിച്ചതോടെ വൈവിധ്യവും മനോഹരവുമായ രാഖികള് വിപണിയെ കീഴടക്കുന്നു.
വൈവിധ്യമാര്ന്ന രാഖികള്ക്കൊപ്പം പരമ്പരാഗത രാഖികളും ഫാഷന് രാഖികളുമാണ് പ്രധാന ആകര്ഷകം. വടക്കേ ഇന്ത്യന് സമൂഹം ഏറെയുള്ള കൊച്ചി-എറണാകുളം, ആലപ്പുഴ, കോഴിക്കോട്, കണ്ണൂര് മേഖലകളില് രാഖി വിപണി സജീവമാണ്.
കൊല്ക്കത്ത, ഗുജറാത്ത്, മുംബൈ, രാജസ്ഥാന് എന്നിവിടങ്ങളില് നിന്നാണ് കേരളത്തിലേയ്ക്ക് രാഖികളെത്തുന്നത്. മൂന്ന് രൂപ മുതല് 500 രൂപ വരെയാണ് വില. പകിട്ടുള്ള കടലാസ് നിര്മിത പൂക്കള് രൂപത്തിലുള്ള ജരി രാഖികള്ക്ക് ഇന്നും ഏറെ പ്രിയമുണ്ട് വിപണിയെ ആകര്ഷകമാക്കി തുളസി, ഓംകാര്, രുദ്രാക്ഷ് ഐശ്വര്യ ചിഹ്നങ്ങളുമായുള്ള ശ്രീ രാഖികള്, സ്റ്റോണ് ചന്ദന്, പോഡാര് രാധാ കാര്ഡ്, രേശം ഫ്രണ്ട്സ് തുടങ്ങി വിവിധ നാമധേയങ്ങളുമായി 200-ല് ഏറെ ഫാഷന് രാഖികളാണ് വിപണിയിലുള്ളത്.
വെള്ളി മിശ്രിത രൂപവുമായുള്ള രാഖിക്ക് 350 രൂപയാണ് വില. കുട്ടികള്ക്കായി കാര്ട്ടൂണ് രാഖികള്ക്കൊപ്പം മാജിക്ക് മൊബൈല് ലൈറ്റ് ബലൂണ് എന്നിങ്ങനെ പത്തിലേറെ രാഖികളുമുണ്ട്. ഈ വര്ഷം രാഖി വിലകള് വര്ധിച്ചിട്ടുണ്ട്.
വടക്കേ ഇന്ത്യന് സമൂഹത്തോടോപ്പം മലയാളികളും രക്ഷാബന്ധന് ആഘോഷങ്ങളില് സജീവമായതോടെ ‘രാഖി വിപണികളില് കോടികളുടെ വില്പനയാണ് നടക്കുന്നത്. അന്യേദശങ്ങളില് താമസിക്കുന്ന സഹോദരന്മാര്ക്കായി തപാല് മാര്ഗം അയച്ചു കൊടുക്കുന്ന രാഖിപെട്ടികളും വിപണിയിലുണ്ട്. വര്ണരാഖികള്, വിളക്ക്, മധുര പലഹാരം, സമ്മാനം എന്നിവയടങ്ങുന്ന പെട്ടികള്ക്ക് 500 മുതല് 1700 രൂപ വരെയാണ് വില. രാഖികള് ലക്ഷ്യസ്ഥാനത്ത് എത്തിക്കുന്നതിനായി പോസ്റ്റല് വകുപ്പ് പ്രത്യേക സംവിധാനവുമൊരുക്കിയിട്ടുണ്ട്.
