ന്യൂദൽഹി : രക്ഷാബന്ധൻ ഉത്സവത്തെ വരവേൽക്കാൻ ഒരുങ്ങുകയാണ് രാജ്യം . സഹോദരീസഹോദരന്മാർ തമ്മിലുള്ള സ്നേഹത്തിന്റെയും സംരക്ഷണത്തിന്റെയും പവിത്രമായ ബന്ധത്തിന്റെ ആഘോഷമാണിത്. ഈ അവസരത്തിൽ, ഓരോ സഹോദരിയും തന്റെ സഹോദരന്റെ പുരോഗതിക്കായി പ്രാർത്ഥിക്കുന്നു.
വർഷങ്ങളായി പ്രധാനമന്ത്രി നരേന്ദ്ര മോദിക്ക് രാഖി കെട്ടുന്ന അഹമ്മദാബാദിലെ കമർ മൊഹ്‌സിൻ ഷെയ്ഖും താൻ മോദിയ്‌ക്കായി പ്രാർത്ഥിക്കുന്നുവെന്നാണ് പറയുന്നത് . താൻ ആദ്യമായി നരേന്ദ്ര മോദിയെ കണ്ടുമുട്ടിയതും അദ്ദേഹത്തിന് രാഖി കെട്ടിയതും എങ്ങനെയെന്നും അവർ ദേശീയ മാധ്യമത്തിനു നൽകിയ അഭിമുഖത്തിൽ പറഞ്ഞു. രാഖി കെട്ടുമ്പോൾ, അദ്ദേഹം മുഖ്യമന്ത്രിയാകാൻ വേണ്ടി പ്രാർത്ഥിച്ചതായും പിന്നീട് അദ്ദേഹം പ്രധാനമന്ത്രിയാകാൻ വേണ്ടി പ്രാർത്ഥിച്ചതായും കമർ മൊഹ്‌സിൻ ഷെയ്ഖ് പറഞ്ഞു. തന്റെ പ്രാർത്ഥന ഫലിച്ചതായും അവർ പറയുന്നു.
“എന്റെ ഭർത്താവ് ഒരു ചിത്രകാരനാണ്, അദ്ദേഹത്തിന്റെ പേര് മൊഹ്‌സിൻ ഷെയ്ഖ് എന്നാണ്. ഞങ്ങൾ അദ്ദേഹത്തിന്റെ പ്രദർശനങ്ങൾക്കായി ഡൽഹിയിൽ പോകാറുണ്ടായിരുന്നു. ഞങ്ങൾ ദിലീപ് ഭായിയുടെ വീട്ടിലാണ് താമസിച്ചിരുന്നത് . അന്ന് ഞങ്ങൾ മോദിജിയെ ഞങ്ങളുടെ ചിത്രങ്ങൾ കൊണ്ടുപോയി കാണിക്കുമ്പോൾ, അദ്ദേഹത്തിന് അവ ഒരുപാട് ഇഷ്ടമായിരുന്നു.
ആദ്യമായി മോദിജിയെ കണ്ടപ്പോള്‍ , ‘സുഖമാണോ സഹോദരി?’ ഇങ്ങനെയാണ് അദ്ദേഹം എന്നോട് ചോദിച്ചത്. ഞാന്‍ സുഖമാണെന്ന് പറഞ്ഞു പിന്നെ അദ്ദേഹം എന്നോട് ചോദിച്ചു, നിങ്ങള്‍ എന്താണ് ചെയ്യുന്നതെന്ന്, പിന്നെ ഞാന്‍ എന്റെ ഭര്‍ത്താവിനെ കുറിച്ച് പറഞ്ഞു, അദ്ദേഹം ഒരു കലാകാരനാണ്, ഞങ്ങള്‍ പ്രദര്‍ശനത്തിനായി വന്നിരിക്കുന്നുവെന്നും പറഞ്ഞു.
ആദ്യമായി അദ്ദേഹത്തിന് രാഖി കെട്ടിയപ്പോൾ, ഞാൻ അദ്ദേഹത്തോട് പറഞ്ഞു, ഭയ്യ, നിങ്ങൾ ഗുജറാത്ത് മുഖ്യമന്ത്രിയാകണമെന്ന് ഞാൻ പ്രാർത്ഥിക്കുന്നു. അദ്ദേഹം ചിരിച്ചുകൊണ്ട് പറഞ്ഞു, ‘സംഘത്തിലെ എന്റെ ജോലിയിൽ ഞാൻ സന്തുഷ്ടനാണ്,ഈ ജോലി എനിക്ക് നല്ലതാണെന്ന് അദ്ദേഹം പറഞ്ഞു. അദ്ദേഹം ഡൽഹിയിൽ ഉണ്ടായിരുന്നിടത്തോളം കാലം ഞാൻ അവിടെ പോയി രാഖി കെട്ടുമായിരുന്നു. പിന്നീട് തിരഞ്ഞെടുപ്പ് നടന്നു, അദ്ദേഹം ഗുജറാത്ത് മുഖ്യമന്ത്രിയായി.
അദ്ദേഹം മുഖ്യമന്ത്രിയായതിനുശേഷം ഞാൻ അദ്ദേഹത്തിന് രാഖി കെട്ടാൻ പോയപ്പോൾ, ‘നിങ്ങളുടെ പ്രാർത്ഥനകൾക്ക് ഉത്തരം ലഭിച്ചു’ എന്ന് അദ്ദേഹം പറഞ്ഞു.എന്താണ് ഞാൻ ഇനി അദ്ദേഹത്തിന് വേണ്ടി പ്രാർത്ഥിക്കുന്നത് എന്ന് ചോദിച്ചു, അപ്പോൾ ഞാൻ പറഞ്ഞു, ‘നിങ്ങൾ രാജ്യത്തിന്റെ പ്രധാനമന്ത്രിയാകണമെന്ന് ഞാൻ പ്രാർത്ഥിക്കുന്നു’. എനിക്ക് സഹോദരനോ സഹോദരിയോ ഇല്ലായിരുന്നു, അതിനാൽ അദ്ദേഹം എന്നോട് വളരെ സ്നേഹത്തോടെ സംസാരിക്കാറുണ്ടായിരുന്നു, അത് വളരെ നല്ലതായി തോന്നി.
അദ്ദേഹം പ്രധാനമന്ത്രിയായി. പ്രധാനമന്ത്രിയായ ശേഷം, അദ്ദേഹം എന്നെ വിളിച്ച് ഈ പ്രാർത്ഥനയും സ്വീകരിച്ചു . ഇനി നിങ്ങൾ എന്തിനു വേണ്ടി പ്രാർത്ഥിക്കും? ലോകം മുഴുവൻ ഭരിക്കണമെന്ന് ഞാൻ പ്രാർത്ഥിക്കുമെന്ന് ഞാൻ പറഞ്ഞു, അങ്ങനെ അതും സംഭവിച്ചു. ഇന്ത്യ എല്ലായിടത്തും, എല്ലാ കോണിലും പ്രശസ്തി നേടിയിട്ടുണ്ട്. അദ്ദേഹത്തിന്റെ കഠിനാധ്വാനം മൂലമാണ് അത് സംഭവിച്ചത്, അദ്ദേഹത്തിന്റെ പരിശ്രമം മൂലമാണ് അത് സംഭവിച്ചത്, എനിക്ക് അതിൽ ഒരു പങ്കുമില്ല, പക്ഷേ എന്റെ പ്രാർത്ഥനകൾ അദ്ദേഹത്തോടൊപ്പമുണ്ട്. വരും ദിവസങ്ങളിൽ അദ്ദേഹത്തിന്റെ എല്ലാ പ്രശ്‌നങ്ങളും പരിഹരിക്കപ്പെടണമെന്നും അദ്ദേഹം വീണ്ടും പ്രധാനമന്ത്രിയാകണമെന്നും ഞാൻ ഇപ്പോഴും പ്രാർത്ഥിക്കുന്നു ‘ – കമർ മൊഹ്‌സിൻ പറഞ്ഞു.
