കൊച്ചി: ദുല്‍ഖറിന്റെ ‘ഐ ആം ഗെയി’മിലെ മഴവില്ലായേ എന്ന് തുടങ്ങുന്ന ഗാനം യൂട്യൂബില്‍ ഒരു കോടിയിലധികം പേര്‍ കണ്ടുകഴിഞ്ഞു. ഈ പ്രണയ ഗാനം സംഗീതം ചെയ്തത് ജേക്ക് സ് ബിജോയ് ആണ്. ഗാനം വന്‍ഹിറ്റായി മുന്നേറുന്നു. ദുല്‍ഖർ സല്‍മാൻ, കയദു ലോഹർ എന്നിവർ അവതരിപ്പിക്കുന്ന കഥാപാത്രങ്ങളുടെ പ്രണയ നിമിഷങ്ങളാണ് ഈ ഗാനത്തിലൂടെ പ്രേക്ഷകരുടെ മുന്നിലെത്തിക്കുന്നത്.
ചിത്രം 2026 സെപ്റ്റംബർ 3 ന് ആഗോള തലത്തില്‍ വമ്പൻ റിലീസായി എത്തുന്ന ഈ സിനിമ ദുല്‍ഖറിന്റെ കരിയറിലെ തന്നെ ഏറ്റവും വലിയ ചിത്രമായി കണക്കാക്കപ്പെടുന്നു. ദുല്‍ഖർ സല്‍മാന്റെ വേഫെറർ ഫിലിംസ് നിർമ്മിക്കുന്ന ഈ സിനിമ മലയാളം ഇതുവരെ കാണാത്ത തരത്തിലുള്ള സ്റ്റൈലിഷ് ഫാൻ്റസി ത്രില്ലർ ആയാവും എത്തുക. ചിത്രം സംവിധാനം ചെയ്തത് നഹാസ് ഹിദായത് ആണ്. വേഫെറർ ഫിലിംസിന്റെ ബാനറില്‍ ദുല്‍ഖർ സല്‍മാൻ, ജോം വർഗീസ് എന്നിവർ ചേർന്ന് നിർമ്മിക്കുന്ന ചിത്രത്തിന് തിരക്കഥ രചിച്ചത് സജീർ ബാബ, ഇസ്മായില്‍ അബൂബക്കർ, ബിലാല്‍ മൊയ്‌ദു എന്നിവർ ചേർന്നാണ്.
അർമാൻ മാലിക് ആലപിച്ച ഈ ഗാനത്തിന് വരികള്‍ രചിച്ചത് ഷർഫു ആണ്. ഗാനത്തിന്റെ തമിഴ്, തെലുങ്ക്, ഹിന്ദി, കന്നഡ പതിപ്പുകളും ഇതിനോടൊപ്പം പുറത്ത് വരികയും മികച്ച പാൻ ഇന്ത്യൻ ശ്രദ്ധ നേടുകയും ചെയ്തിട്ടുണ്ട്. സീ മ്യൂസിക് ആണ് ചിത്രത്തിന്റെ മ്യൂസിക് അവകാശം സ്വന്തമാക്കിയത്. പ്രേക്ഷകരെ ആദ്യാവസാനം ത്രസിപ്പിച്ച ട്രെയ്‌ലർ, അമ്പരപ്പിക്കുന്ന ദൃശ്യങ്ങളും കോരിത്തരിപ്പിക്കുന്ന ആക്ഷൻ, ചേസ് രംഗങ്ങളും കൊണ്ട് വലിയ തീയേറ്റർ അനുഭവമാണ് ഒരുങ്ങുന്നത് എന്ന സൂചനയാണ് നല്‍കിയത്.
ഛായാഗ്രഹണം- ജിംഷി ഖാലിദ്, സംഗീതം- ജേക്സ് ബിജോയ്, എഡിറ്റിംഗ്- ചമൻ ചാക്കോ, ഗാനരചന- മനു മഞ്ജിത്ത്, വിനായക് ശശികുമാർ
