ശബരിമല : ചിങ്ങ മാസ പൂജകള്ക്കായി ശബരിമല നട തുറന്നു. ഞായറാഴ്ച
വൈകിട്ട് 5 ന് പുതിയ തന്ത്രി കണ്ഠര് ബ്രഹ്മദത്തന്റെ കാര്മികത്വത്തില് മേല്ശാന്തി പ്രസാദ് ഇ.ഡി നടതുറന്ന് ദീപം തെളിയിച്ചു. തിങ്കളാഴ്ച ചിങ്ങം ഒന്ന് രാവിലെ 5 മുതല് ഭക്തര്ക്ക് ദര്ശനം നടത്താം.
രാവിലെ ഉഷ പൂജയ്ക്ക് ശേഷം മേല്ശാന്തിയെ പൂജാ കാര്യങ്ങളില് സഹായിക്കുന്നതിനുള്ള ‘ഉള്ക്കഴകം’ ജീവനക്കാരുടെ നറുക്കെടുപ്പ് നടക്കും. എല്ലാ ദിവസവും വൈകിട്ട് ദീപാരാധനയ്ക്ക് ശേഷം പതിനെട്ടാം പടിയില് വിശേഷാല് പടിപൂജ ഉണ്ടാകും. ആഗസ്റ്റ് 21-ന് രാത്രി 10ന് നട അടയ്ക്കും.
തിരുവോണ പൂജകള്ക്കായി 24ന് വൈകിട്ട് നട വീണ്ടും തുറക്കും.
ഭക്തര് www.sabarimalaonline.org എന്ന വെബ്സൈറ്റ് വഴി വെര്ച്വല് ക്യൂ സ്ലോട്ടുകള് മുന്കൂട്ടി ബുക്ക് ചെയ്യണം.
ചിങ്ങ മാസ പൂജകള്ക്കായി ശബരിമല നട തുറന്നു, പുലര്ച്ചെ മുതല് ഭക്തര്ക്ക് ദര്ശനം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.