ന്യൂദല്ഹി:പ്രധാനമന്ത്രി മോദിയുടെ സ്വാതന്ത്ര്യദിനത്തില് മോദി ഒരു കാര്യം മറന്നില്ല. ജെന് സീ തലമുറയ്ക്ക് വേണ്ടി നാലോളം പദ്ധതികളാണ് മോദി പ്രഖ്യാപിച്ചിരിക്കുന്നത്. അതില് ഒന്നാമത്തേത് യുവാക്കള്ക്കും വിദ്യാര്ത്ഥികള്ക്കും എഐ പരിശീലനമാണ്. ഒരു കോടി യുവാക്കള്ക്കാണ് എഐ പരിശീലനം നല്കുക. എഐ സ്കില് ആണ് ഇനി ഭാവിയില് അത്യന്താപേക്ഷിതം. ഇതാണ് ഭാവിയില് യുവാക്കള്ക്ക് തൊഴില് ലഭിക്കുന്നതിനുള്ള പ്രധാന നൈപുണ്യം.
രണ്ടാമത്തേത് സൗജന്യമായ ഓണ്ലൈന് എന്ട്രന്സ് കോച്ചിംഗാണ്. എന്ട്രന്സ് കോച്ചിംഗ് ഇന്ന് ചെലവേറിയ കാര്യമാണ്. അതിനാല് പാവപ്പെട്ട കുടുംബങ്ങളിലെ കുട്ടികള് പലപ്പോഴും പിന്തള്ളപ്പെടുന്നു. കൂടുതല് കുട്ടികള് കുറഞ്ഞ സീറ്റുകള്ക്ക് വേണ്ടിയാണ് മത്സിക്കുന്നത്. ഈ മത്സരപന്തയത്തില് സാമ്പത്തികമായി ദുര്ബലരായ കൂട്ടികള് പിന്തള്ളപ്പെടാന് പാടില്ല. ഇതിന് പരിഹാരമായി അവര്ക്ക് സൗജന്യമായി ഓണ്ലൈന് എന്ട്രന്സ് കോച്ചിംഗ് നല്കും.
ഒളിമ്പിക്സിന് വേണ്ടി പുതിയ തലമുറയെ വാര്ത്തെടുക്കാന് വേണ്ടി രാജ്യമെമ്പാടുമുള്ള വിദ്യാര്ത്ഥികള്ക്കിടയില് മിടുക്കരായവരെ കണ്ടെത്താന് പദ്ധതിയിട്ടിരിക്കുന്നു. ഇവരെ കണ്ടെത്തി പരിശീലിപ്പിക്കും. 2036ലെ ഒളിമ്പിക്സ് ലാക്കാക്കിയാണ് നീക്കം. ഒളിമ്പിക്സില് ആകെ 350 ഇനങ്ങളുണ്ടെങ്കിലും ഇതില് മൂന്നില് രണ്ട് ഭാഗം ഇനങ്ങളിലും ഇന്ത്യ മത്സരിക്കാറില്ല. ഇതിന് പകരം എല്ലാ ഇനങ്ങളിലും കുട്ടികളെ പരിശീലിപ്പിക്കാനാണ് പദ്ധതി.
മയക്കമരുന്ന് മുക്ത ഭാരതത്തിന് വേണ്ടി 100 ആഴ്ച നീണ്ടുനില്ക്കുന്ന ബോധവല്ക്കരണ പരിപാടി രാജ്യമെമ്പാടും നടക്കും. നാശ മുക്ത് ഭാരത് അഭിയാന് പദ്ധതിപ്രകാരമാണ് ഈ പരിപാടി നടക്കുക
