മേടക്കൂറ്: അശ്വതി, ഭരണി, കാര്ത്തിക (1/4)
വസ്തുസംബന്ധമായ വ്യവഹാരങ്ങള്ക്ക് അനുകൂലമായ തീരുമാനമുണ്ടാകും. തൊഴില് സംബന്ധമായ കാര്യങ്ങള്ക്കുവേണ്ടിയുള്ള യാത്രകള് ആവശ്യമായിവരും. തൊഴില് രംഗത്ത് മാറ്റങ്ങള് ഉണ്ടാകുവാനിടയുണ്ട്. സ്ഥലംമാറ്റം പ്രതീക്ഷിക്കാം. സന്താനങ്ങളുടെ വിവാഹക്കാര്യത്തില് തീരുമാനമുണ്ടാകും.
ഇടവക്കൂറ്: കാര്ത്തിക (3/4), രോഹിണി, മകയിരം (1/2)
പുണ്യസ്ഥലങ്ങള് സന്ദര്ശിക്കുവാന് അവസരം ലഭിക്കും. വിദ്യാഭ്യാസപരമായ കാര്യങ്ങളില് അല്പ്പം ബുദ്ധിമുട്ടുണ്ടാകുന്ന കാലമാണ്. അമിതാവേശം നിയന്ത്രിക്കണം. തെരഞ്ഞെടുപ്പ് രംഗങ്ങളില് വിജയിക്കുവാന് കഴിയും. സന്താനങ്ങളുടെ വിവാഹക്കാര്യങ്ങള്ക്ക് അനുകൂല സാഹചര്യങ്ങള് ഉണ്ടാകും.
മിഥുനക്കൂറ്: മകയിരം (1/2), തിരുവാതിര, പുണര്തം (3/4)
കല, സാഹിത്യം തുടങ്ങിയവയില് പ്രവര്ത്തിക്കുന്നവര്ക്ക് ജനപ്രീതി നേടുവാന് കഴിയും. ജോലിക്കാര്ക്ക് തൊഴില്പരമായ ചില ബുദ്ധിമുട്ടുകളെ നേരിടേണ്ടതായിവരും. സാമ്പത്തിക കാര്യങ്ങളില് അതീവ ജാഗ്രത പുലര്ത്തേണ്ട കാലമാണ്. വിദേശയാത്രക്കുള്ള അവസരം കൈവരും.
കര്ക്കടകക്കൂറ്: പുണര്തം (1/4), പൂയം, ആയില്യം
പരീക്ഷകളില് പ്രശസ്ത വിജയം കൈവരിക്കും. പുതിയ സംരംഭങ്ങള് ആരംഭിക്കും. വിദേശയാത്രക്കുള്ള അവസരം ലഭിക്കുകയോ വിദേശവുമായി ബന്ധപ്പെട്ട ജോലികളിലേര്പ്പെടുകയോ ചെയ്യും. കര്മ്മരംഗത്ത് അംഗീകാരവും സ്ഥാനക്കയറ്റവും ലഭിക്കും. കരള് സംബന്ധമായ അസുഖങ്ങള് ഉപദ്രവിച്ചേക്കാം.
ചിങ്ങക്കൂറ്: മകം, പൂരം, ഉത്രം (1/4)
ഏര്പ്പെടുന്ന കാര്യങ്ങളോട് ആരംഭത്തില് പ്രകടിപ്പിക്കുന്ന ആഭിമുഖ്യം നിലനിര്ത്തുവാന് സാധിച്ചില്ലായെന്നുവന്നേക്കും. ഉണര്ന്നു പ്രവര്ത്തിക്കുവാന് അവസരങ്ങള് സംജാതമാകും. കലാ സാഹിത്യാദി രംഗത്ത് പ്രവര്ത്തിക്കുന്നവര്ക്ക് ഭാഗ്യവശാല് ചില ഗുണാനുഭവങ്ങളുണ്ടാകും.
കന്നിക്കൂറ്: ഉത്രം (3/4), അത്തം, ചിത്തിര (1/2)
തീര്ത്ഥയാത്രകള്കൊണ്ട് ദുരിതങ്ങള് പരിഹരിക്കപ്പെടും. വസ്തുവകകളുടെ ക്രയവിക്രയങ്ങള് നടക്കും. പൂര്വ്വിക സ്വത്ത് ലഭിക്കും. തൊഴില് സംബന്ധമായ മാറ്റങ്ങളോ സ്ഥലംമാറ്റമോ ഉണ്ടാകും. സന്താനങ്ങളുടെ വിവാഹകാര്യങ്ങളില് തീരുമാനമാകും.
തുലാക്കൂറ്: ചിത്തിര (1/2), ചോതി, വിശാഖം (3/4)
ഗവേഷണ കാര്യങ്ങളിലേര്പ്പെട്ടിരിക്കുന്നവര്ക്ക് ജോലിയില് അസാധാരണമായ പുരോഗതി ദൃശ്യമാകും. പരീക്ഷണ ഘട്ടങ്ങളുണ്ടാകുമെങ്കിലും സമര്ത്ഥമായി അവരെ തരണം ചെയ്യുവാന് കഴിയും. ദൂരയാത്രകള് ആവശ്യമായിവരും. ഗൃഹസുഖം കുറയും. കഴുത്തിനെ സംബന്ധിക്കുന്ന രോഗങ്ങള് ഉപദ്രവിച്ചേക്കാം.
വൃശ്ചികക്കൂറ്: വിശാഖം (1/4), അനിഴം, തൃക്കേട്ട
യാത്രയും പരിശ്രമവും ആവശ്യമായിവരുമെങ്കിലും പുതിയ സംരംഭങ്ങള് വിജയപ്രദമായി പരിണമിക്കും. വിവാഹകാര്യത്തിലുള്ള തീരുമാനം വൈകും. വിദ്യാതടസ്സം അനുഭവപ്പെടും. വിദേശയാത്രക്കുള്ള അവസരങ്ങള് ലഭിക്കും. സ്വന്തം സ്ഥാനം നിലനിര്ത്തുന്നതിനായി കഠിനപ്രയത്നം ചെയ്യും.
ധനുക്കൂറ്: മൂലം, പൂരാടം, ഉത്രാടം (1/4)
ഭരണധികാരികളുടെ പ്രീതിക്കു പാത്രമാകും. കര്മ്മകുശലത അംഗീകരിക്കപ്പെടുകയും നായകത്വം ലഭിക്കുകയും ചെയ്യും. പ്രവര്ത്തന മേഖല പുഷ്ടിപ്പെടുകയും ചെയ്യും. അപകടസാധ്യതയുള്ളതിനാല് സാഹസിക പ്രവൃത്തികളിലേര്പ്പെടുന്നവര് പ്രത്യേകം ജാഗ്രത പുലര്ത്തുക. ജോലിയില് തടസങ്ങള് വന്നുചേരും.
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
വിദ്യാഭ്യാസ കാര്യങ്ങളിലും കലാരംഗത്തും ശോഭിക്കും. ബാങ്കുലോണുകള് ലഭിക്കുന്നതിനു കാലതാമസം നേരിടും. എഴുത്തുപരീക്ഷകളിലും ഇന്റര്വ്യുകളിലും ശോഭിക്കും. സന്താനങ്ങളുടെ വിവാഹം നടക്കും. യാത്രാക്ലേശം അനുഭവപ്പെടും. കുടുംബസ്വത്ത് ഭാഗിക്കും. വിവാഹാലോചന വരുന്നവര്ക്ക് അത് നടക്കും.
കുംഭക്കൂറ്: അവിട്ടം (1/2), ചതയം, പൂരുരുട്ടാതി (3/4)
ദൂരയാത്രകള്കൊണ്ട് അനുകൂല ഫലമുണ്ടാകും. പുതിയ സംരംഭങ്ങള് വിജയകരമാക്കിത്തീര്ക്കുവാന് കഴിയും. കലാരംഗത്ത് പ്രവര്ത്തിക്കുന്നവര്ക്ക് അംഗീകാരവും പ്രാഗല്ഭ്യവും തെളിയിക്കുവാനുള്ള അവസരങ്ങളും ലഭിക്കും. മേലധികാരിയുടെ ആജ്ഞകള് അനുസരിക്കേണ്ടിവരും. വിവാഹകാര്യങ്ങളില് തീരുമാനമുണ്ടാകും.
മീനക്കൂറ്: പൂരുരുട്ടാതി (1/4), ഉതൃട്ടാതി, രേവതി
പുതിയ സംരംഭങ്ങള് ആരംഭിക്കുവാന് കഴിയും. പ്രവര്ത്തന മേഖലയില് ബുദ്ധിമുട്ടുകള് നേരിടേണ്ടിവരുമെങ്കിലും അനുകൂലമായ ഫലവും മറ്റുള്ളവരില്നിന്ന് ലഭിക്കുന്ന പ്രോത്സാഹനവും എല്ലാ വിധത്തിലുള്ള ആയാസങ്ങളെയും ലഘൂകരിക്കും. ഔദ്യോഗികമായ സ്ഥലംമാറ്റവും പദവിയും ലഭിക്കും. വരവും ചെലവും തുല്യമായിരിക്കും.
