ഇടുക്കി : കുമളിയില് പതിനാറുകാരി ആത്മഹത്യ ചെയ്ത സംഭവത്തില് സുഹൃത്തായ യുവാവ് അറസ്റ്റില്. പെണ്കുട്ടി ലൈംഗിക പീഡനത്തിന് ഇരയായതായി പോസ്റ്റുമോര്ട്ടത്തില് വ്യക്തമായതിനെ തുടര്ന്നാണ് കുമളി ഒന്നാംമൈല് തോട്ടത്തിന് കുഴിയില് അഭിരാജന് അറസ്റ്റിലായത്. ഇയാള്ക്കെതിരെ പോക്സോ വകുപ്പുകള് ചുമത്തി കേസെടുത്തു. കോടതി ഇയാളെ റിമാന്ഡ് ചെയ്തു. ആത്മഹത്യയുടെ കാരണം സംബന്ധിച്ച് പൊലീസ് അന്വേഷിച്ചുവരികയാണ്.
ഞായറാഴ്ചയാണ് പ്ലസ് ടു വിദ്യാര്ത്ഥിനി ജീവനൊടുക്കിയത്. പെണ്കുട്ടിയുടെ പിതാവിന്റെ വാഹനം നേരത്തെ ഓടിച്ചിരുന്നത് അഭിരാജനായിരുന്നു. ഈ പരിചയം വച്ച് ഇരുവരും തമ്മില് അടുപ്പത്തിലാവുകയും പലയിടങ്ങളിലും വച്ച് ശാരീരിക ബന്ധം പുലര്ത്തുകയും ചെയ്തിരുന്നതായി ചോദ്യം ചെയ്യലില് യുവാവ് പൊലീസിനോടു പറഞ്ഞു.
നേരത്തെ അഭിരാജനുമായുള്ള അടുപ്പം പിതാവ് തിരിച്ചറിയുകയും ഇതേത്തുടര്ന്ന് പെണ്കുട്ടി കുമളി പോലീസില് പരാതി നല്കുകയും ചെയ്തിരുന്നു. ഇരുകൂട്ടരെയും വിളിച്ച് സംസാരിച്ച ശേഷം പെണ്കുട്ടിയെ അന്ന് അമ്മക്കൊപ്പം വിട്ടയക്കുകയായിരുന്നു. പെണ്കുട്ടിയുടെ അച്ഛനുമായി പിരിഞ്ഞ് അമ്മ മറ്റൊരാള്ക്കൊപ്പമാണ് ഇപ്പോള് താമസിക്കുന്നത്.
