‘ഇന്ത്യൻ 2’വിന്റെ പരാജയത്തിന് ശേഷം ശക്തമായൊരു തിരിച്ചുവരവിന് ഒരുങ്ങുകയാണ് പ്രശസ്ത സംവിധായകൻ ശങ്കർ. തന്റെ സ്വപ്ന പദ്ധതിയായ ‘വേൽപാരി’ ബിഗ് ബജറ്റിൽ തമിഴിൽ ഒരുക്കാനാണ് അദ്ദേഹത്തിന്റെ നീക്കം. സൂര്യയടക്കമുള്ള മുൻനിര താരങ്ങളുടെ പേരുകൾ കേട്ടിരുന്നെങ്കിലും, ഇപ്പോൾ നടൻ അജിത്തിനെ നായകനാക്കാനുള്ള ചർച്ചകൾ പുരോഗമിക്കുകയാണെന്നാണ് റിപ്പോർട്ടുകൾ.
അജിത്തിന്റെ പ്രതിഫലവും ശങ്കറിന്റെ ഗംഭീര മേക്കിംഗും ചേരുമ്പോൾ 500 കോടിക്ക് മുകളിലാണ് ചിത്രത്തിന് പ്രതീക്ഷിക്കുന്ന ബജറ്റ്! ‘ഡെയർഡെവിൾ’, ‘മങ്കാത്ത 2’ തുടങ്ങിയ പ്രൊജക്റ്റുകൾക്കിടയിൽ അജിത്ത് ഈ ചിത്രത്തിന് ഡേറ്റ് നൽകുമോ എന്ന് ഉറ്റുനോക്കുകയാണ് സിനിമാ ലോകം.
