മുംബൈ: മഹാരാഷ്ട്രയില് ജെന് സീ തുലമുറയുമായി അടുക്കാന് ബിജെപി വലിയ ശ്രമങ്ങള് നടത്തുന്നു. ഇതിന്റെ ഭാഗമായി മുംബൈയിലെ ലോക്കല് ട്രെയിനുകളില് ജെൻ സി, ജെൻ ആല്ഫ കുട്ടികള്ക്കായി പ്രത്യേക കോച്ചുകള് അനുവദിക്കണമെന്ന ആവശ്യവുമായി ബിജെപി കൗണ്സിലർ തേജസ്വി ഘോള്സാല്ക്കർ രംഗത്ത് വന്നു.
സെൻട്രല്, വെസ്റ്റേണ് റൂട്ടുകളിലെ ട്രെയിനുകളില് മൂന്ന് കോച്ചുകള് ഇതിനായി മാറ്റിവയ്ക്കണമെന്നാണ് ആവശ്യം. ഇക്കാര്യം ആവശ്യപ്പെട്ട് തേജസ്വി ഘോസാല്ക്കര്, കേന്ദ്ര റെയില്വേ മന്ത്രി അശ്വിനി വൈഷ്ണവിന് കത്തയച്ചു. പുലർച്ചെ അഞ്ച് മുതല് രാവിലെ 11 വരെയുള്ള തിരക്കേറിയ സമയങ്ങളില് വിദ്യാർത്ഥികളുടെ യാത്ര കൂടുതല് സൗകര്യപ്രദമാക്കുകയാണ് ലക്ഷ്യമെന്ന് തേജസ്വി പറഞ്ഞു.
സ്വാതന്ത്ര്യദിനത്തില് വീണ്ടും ജെൻസി സംവാദത്തിന് മോഹൻ ഭാഗവത്
ജെൻസി തലമുറയുമായി വീണ്ടും സംവദിക്കാൻ ആർഎസ്എസ് മേധാവി മോഹൻ ഭാഗവത്. നാഗ്പുരില് പ്രാദേശിക ചാനല് സംഘടിപ്പിക്കുന്ന സ്വാതന്ത്ര്യദിനാഘോഷ പരിപാടിയിലാണ് സംവാദം.
‘രാജ്യത്തിന്റെ ഭാവിയും യുവാക്കളുടെ സംഭാവനയും’ എന്ന വിഷയത്തില് മോഹൻ ഭാഗവത് വിദ്യാർത്ഥികളുമായി സംസാരിക്കും. മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നാവിസ് മുഖ്യാതിഥിയായി പങ്കെടുക്കുന്ന ചടങ്ങില് മോഹൻ ഭാഗവത് ദേശീയ പതാക ഉയർത്തും.
നേരത്തെ മുംബൈയില് നടന്ന ജെൻസി സംവാദത്തിലെ മോഹൻ ഭാഗവതിന്റെ അഭിപ്രായങ്ങള് വന്തോതില് ചർച്ചയായിരുന്നു.
